زوجة تصرخ بمحكمة الأسرة: جوزي مبيفهمش في الإتيكيت

"مبيفهمش في الاتيكيت، حاولت كتير أعلمه أصول الكلام، بس اللي فيه داء مش بيبطله، ودايما بيحرجني وسط الناس"، هكذا وقفت أميرة أمام محكمة الأسرة تطالب بالخلع من زوجها، مدعيًة أنها تخاف ألا تُقيم حدود الله، بسبب أن زوجها على حد قولها "سوقي"، ولا يملك أي خبرة في أمور الإتيكيت.

أميرة البالغة من العمر 26 عاما، فتاة رقيقة وتعامل الناس بـ"الشوكة والسكينة"، لا تستطيع أن تتخلى عن التعامل بذلك الشكل مع الناس، ولكن حظها أوقعها حظها بأحمد لتكتشف بعد 14 شهرًا من الزواج أنهما غير متكافئين، قائلة: "عشت معاه 14 شهر دمروا حياتي، والدته دايما بتتهمني إني مدلعة، ومش هقدر أتحمل مسئولية، وهو اكتشفت إنه شخص مش متكافيء معايا ماديا وإجتماعيا دي أكبر غلطة في حياتي".

الزوج يرفض معاملة الأشخاص بإتيكيت، لتتفاجيء الزوجة بعد ذلك رفده من العمل واعتماده على راتبها، مددا إياها بالقتل إذا رفضت صرف أموالها عليه، مضيفة: "دايما في كل اجتماع مع أصحابي أو أهلي يتكلم عليا وحش، ويطلع في حقي أصعب العيوب، بالرغم من إنه بيشوف طريقة كلام كل أزواج أصحابي وطريقة معاملتهم، بس دايما بيرحجني قدامهم".

وتابعت: "كل مرة كنت بواجهه بالحقيقة وإن كده غلط وتخلف وسوقية، بيرد عليا بالانتقاد، لحد ماضربني في يوم، سيبت البيت ووقتها قررت إني مش هقدر أكمل معاه حياتي، وتوجهت لمحكمة الأسرة عشان أرتاح منه".

ولا تزال القضية رقم 211 لعام 2020 منظورة أمام محكمة الأسرة تنتظر الحكم.

اقرأ أيضًا.. ”ملابس السجن وماسكة مصحف وسجادة صلاة”.. وصول سما المصري إلى المحكمة بقضية ممارسة الدعارة