بعد سب القرأن والسنة.. طالبة: ”الدكتور المهدلي قالنا أنا ربكم الأعلى”
علقت إحدى الطالبات بالمعهد العالي للخدمة الاجتماعية في جامعة الإسكندرية، على التصريحات المثيرة للجدل التي أطلقها الدكتور محمد المهدلي، التي اتهم فيها بالإساءة للقرآن الكريم.
وقالت الطالبة التي فضلت عدم ذكر اسمها، "أنا في سنة تانية دلوقتي لكن الدكتور من السنة اللي فاتت كان بيشتم ألفاظ خارجة جدًا، بالأم والأب لأي بنت، واحنا قاعدين في المحاضرة بيتكلم في حاجات خارجة مينفعش تتقال، ويسب الدين كتير أوي، بيدخل يشرب سجاير في المحاضرة، أول محاضرة بيقولنا السنة دي أنا مش هشرب سجاير، أنا هوزع عليكوا حشيش".
وتابعت الطالبة لـ "الطريق": "كان في بنتين بيتكلموا مع بعض في المحاضرة، طردهم وبعدها قال دول رقاصين وامهم رقاصة".
وأضافت "كان بيقولنا أنا مبعترفش بالأحاديث النبوية، وماكرون هو اللي صح والمسلمين متخلفين، وعندما اعترضنا على كلامه قام بطردنا، وسب الدين لنا، وقال للمنقبات خلي الولاد اللي واقفة ينزلوا يتجوزوا منكوا تحت، وأخد الكارنيهات من بعض الطلبة، وقالنا لو عايزين تاخدوها تعالوا اركعوا قدامي ده أنا ربكم الأعلى، وخليفة ربنا في الأرض، وأي حد هيتكلم أنا هسجنه".
اقرأ أيضًا: أول رد من ”التعليم العالي” ضد أستاذ جامعي سب القرآن الكريم