أفشة: لعبنا أمام الزمالك مثل ”أبو قير”.. ومعايا فيديوهات لطارق حامد

أكّد محمد مجدي أفشة نجم النادي الأهلي أنّ المدير الفني للفريق بيتسو موسيماني مدرب عبقري على كافة المستويات.

وقال أفشة في تصريحات لبرنامج "كلمة أخيرة" على شاشة "on e"، مساء السبت: "فيه فرق بين المدرب الكويس والمدرب العبقري من حيث الفكر والطريقة والمحاضرة ومذاكرة الخصم.. وإحنا بنلاعب أبو قير مثل مواجهة الزمالك.. نفس اللي عملناه قدام أبو قير للأسمدة في الكأس عملناه أمام الزمالك".

اقرأ أيضًا: أفشة يكشف قصة الهدف الحاسم: ”أمي حلمت بأبو تريكة ”فجر القمة”

وأضاف: "الفكر ده مش بيقلل من حد.. ده اسمه احترام الخصم وعلشان كده ربنا بيكرم بالفوز.. إحنا ذاكرنا الزمالك كويس، مفيش لاعب متفرجناش عليه.. موسيماني عملنا فيديوهات لكل لاعب".

وتابع: "أنا عارف إن طارق حامد هيلعب عليا، وبالتالي كل فيديوهات طارق حامد عن طريقة تحركاته عندي على التليفون.. ده لاعب هيكون عليا وبالتالي لازم أحترمه، ولو أنا لم أحترمه هيكون أفضل مني".