صوفينار عن صالح جمعة: شكله ميعجبنيش.. وحاول يلعب في منطقة غلط
تحدّثت الراقصة صوفينار عن أزمتها الأخيرة مع لاعب نادي سيراميكا كليوباترا صالح جمعة، بعد ترديد أنباء عن وجود علاقة تجمع بينهما.
وقالت خلال لقائها ببرنامج "شيخ الحارة والجريئة" الذي تُقدّمه المخرجة إيناس الدغيدي على شاشة "المحور"، مساء الجمعة: "أنا مش الناس اللي بيعملوا تريندات، أنا مركزة في شغلي بس.. لغاية دلوقتي معرفش هو عمل ليه كده، يمكن فيه حد زقه عليا".
اقرأ أيضًا: صوفينار: ”والله أنا باتكسف.. هو أنا علشان رقاصة لازم أقلع هدومي”
وأضافت: "أنا معرفوش.. ممكن يكون حب يلعب في منطقة غلط.. فيه ناس كتير بتعاكسني لكن مينفعش إنه يمسح رسائله ويقول صوفينار بعتت لي وردة وبيعاكسوني".
وتابعت: "مفيش بيني وبينه أي حاجة، أنا بادخل أرد على الجمهور زي ما الفنانين بيعملوا..أي حد يكتب بحبك أو يبعت قلب بابعت له وردة، دي طريقتي".
اقرأ أيضًا: خالد الجندي عن أسلوبه الساخر: ”مينفعش حد يتريق عليا وأكلمه باحترام”
وأكملت: "لما حصلت المشكلة شوفت صورته على السوشيال ميديا لكن شكله معجبنيش ولا ذوقي".