شادي محمد عن خروجه من الأهلي: أصعب لحظة.. ومكنش معايا فلوس
كشف نجم الأهلي الأسبق شادي محمد أنّ أصعب لحظة في حياته كانت وقت إبلاغه بأنّه سيكون خارج جدران القلعة الحمراء.
وقال خلال لقائه ببرنامج "لحظات جريئة" الذي يُقدّمه الإعلامي أحمد سالم على شاشة "القاهرة والناس"، اليوم الثلاثاء: "اللحظة كانت صعبة أوي عليا، مش أنا الشخصية اللي بتحب تلف كتير.. أنا كنت كاتب ورقة في بيتي الصغير إني هالعب في الأهلي".
اقرأ أيضًا: سماح أنور: أجريت 42 عملية في 11 سنة.. و”هذا” موقف الوسط الفني
وأضاف: "جريت وراء حلمي وحقّقته وكنت عاوز أروح لأبعد مدى وأنا قادر أعمل كده، لكن لما مشيت قولت خلاص الحمد لله".
وتابع: "كنت بافكر إزاي مش هقابل جمهور الأهلي تاني وإزاي هالعب في فريق تاني امام الأهلي".
اقرأ أيضًا: خالد الجندي يوضح ”الإعجاز الفلكي” في القرآن الكريم.. فيديو
وأكمل: "كان لازم أكمل بعد الأهلي، مكنش معايا فلوس.. أقسم بالله خرجت من الأهلي بدون ما يكون معايا فلوس تؤمن حياتي.. كان لازم ألعب علشان آخد فلوس".
وأوضح شادي: "لما بتمشي من الأهلي بتاخد فلوس أكتر، لإن النادي اللي إنت بتروحله بيتشري براند وعقلية مش موجودة عنده".