جريدة الطريق

”الحياة مش مستهلة خناق وبتخلص في ثانية”.. نشوى مصطفى تطالب بمصالحة مها أحمد والسقا وكرارة

نشوى مصطفى
منى رجب -

وجهت الفنانة نشوى مصطفى، رسالة تطالب من خلالها لمصالحة النجوم مها أحمد مع أحمد السقا وأمير كرارة، بعد الخلاف الذي نشأ بينهم بعد إعلان شركة سينرجي بوقف التعاون مع المخرج محمد سامي.

وكتبت نشوى مصطفى، عبر حسابها الشخصي بموقع التواصل الاجتماعي فيسبوك: "يارب وحياة حبيبك النبى يتصالحو ويتصافوا — كلهم طيبين - وولاد الأصول الفرسان بنبل أخلاقهم حيسامحوا لأنهم عارفين الظروف وأكيد مقدرنها".

وتابعت: "الحياة مش مستاهلة خناق وبتخلص فى ثانية وادينا شايفين - والناس اللي بتنفخ فى النار من تحت لتحت حاقول لهم من فضلكم اغلبوا شياطينكم وخلينا نسعى فى الخير — إحنا عيلة واحدة — واللي غلط أكيد ميقصدش — التمس لأخيك ألف عذر — يارب بحق الادأيام الطيبة تمدهم بالمحبة وتنور قلوبهم وتبعد عنهم الشيطان".

وكانت شاركت مها أحمد جمهورها ومتابعيها، بمطقع فيديو لها ختى توضح سبب هجومها على النجمان أحمد السقا وأمير كرارة، وظهرت في بث مباشر عبر حسابها الشخصي بموقع التواصل الاجتماعي فيسبوك‏.

فيديو مها أحمد

وقالت مها أحمد في الفيديو: "أنا كنت بعبر عن حاجه جوايا في البوست ده، ومكنتش اعرف أن كل ده هيحصل، وهو مش جديد عليا إني اكتب بوست مثل لما بكون مضايقة بكتبلكم، وانا بعمل الفيديو ده للتوضيح فقط لأصدقائي على الفيسبوك والإنستجرام، ودي حكاية زي أي حكاية أنا هحكيها، ولسة عندي حكايات مع زملاء كتير قوي".

اقرأ أيضًا: حسن شاكوش يعلن موعد طرح أغنيته مع ياسمين رئيس

وأكدت "أحمد" خلال الفيديو، إنها مرت بفترة قاسية عندما ظلت بلا عمل لسنوات بعد إنقاصها لوزنها التي قامت به بسبب مشاكل مرضها في ظهرها، وقالت: "لجأت لصديق ليا كان زميلي وزميل جوزي، وكان بيروح عند جوزي في بيته وأهل جوزي كانوا فاتحين ذراعيهم ليه والعكس مش عيب أني أتكلم معاه وأعيط وأقوله أني حزينة بسبب قعدتي في البيت. قولت لمجدي أنا هكلم زمايلنا اللي هما نجوم وقوليلهم أني عايزة اشتغل، قالي متعمليش كده عشان متقلليش من نفسك معملتش بكلام مجدي وكلمته وعيطت وابتديت ادخل في مرحلة اكتئاب لأني عايزة اشتغل بعد يومين لقيته بيكلمني يقولي في دور حلو اوي".