أحمد زاهر: ”محمد سامي غير حياتي وخلاني أخس 100 كيلو”
دافع الفنان أحمد زاهر، عن المخرج محمد سامي، بعد الحملة الهجومية الذي يتعرض لها، عقب قرار إيقاف التعامل مع ومع شركة المتحدة.
ونشر أحمد زاهر صورة له مع محمد سامي، عبر حسابه الشخصي بموقع التواصل الاجتماعي فيسبوك، وعلق قائلا: "أنا مش ضد قرار المتحدة لأن أكيد ده له أسباب وفي سبيلها للحل باذن الله".
وأضاف: "أنا ضد حمله التشويه البشعه لسمعه وشخص محمد سامي اللي بيقوم بيها بعض الزملاء وبعض اللجان الإليكترونية، أنا ضد تشويه سمعه أي حد مش بس محمد سامي، الراجل ده أنا أعرفه من 11 سنه واشتغلت معاه أكتر من خمس أعمال مشوفتش منه غير كل خير وأحترام وتقدير للموهبه وبقولها و هاقولها طول عمري محمد سامي هو اللي غير حياتي بعد إراده ربنا سبحانه و تعالي ولن انسي له هذا الفضل هو اللي خلاني أخس 100 كيلو عشان تمسك بيا في مسلسل حكايه حياة و ده الدور اللي غير حياتي".
اقرأ أيضًا: نجيب ساويرس: ”موسى ”فاشل ونهايته ركيكة.. و”الاختيار 2 ”نمبر وان (فيديو)
وتابع: "وتتوالى بعده كم نجاحات و كلها معاه واخرها فتحي في البرنس ودي كانت نقطه تحول تانيه في حياتي ... تفتكروا اللي شفت منه كل الخير والاحترام و التقدير والموهبه والنجاح ده كله مكنش جنبه وأدعمه أنا مفيش في إيدي حاجه أعملها غير إني أقول شهادة حق يعلمها الله سبحانه و تعالي وعاوز بس أفكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه، أدعم المخرج محمد سامي".