الطريق
جريدة الطريق

حاول علاجها بماء البحر.. تفاصيل مرض شريف دسوقي بعد بتر ساقه بسبب جرح بسيط

شريف دسوقي
منى عبد السلام -

تصدر اسم الفنان شريف دسوقي تريند قائمة منصة جوجل خلال الساعات الماضية، بعدما أجرى عملية جراحية أدت إلى بتر ساقه، وأعلنت الفنانة بدرية طلبة خروجه من المستفشى وبدء مرحلة تأهليه النفسي حتى يتأقلم على وضعه الجديد.

أول تعليق من شريف دسوقي على بتر ساقه

وكتب شريف دسوقي في أول تعليق له بعد بتر ساقه، من خلال منشور له عبر حسابه الخاص بموقع التواصل الاجتماعي "فيس بوك" قبل ساعات: "قدر الله وما شاء فعل ، الحمد لله على كل شيء"، وانهالت التعليقات من الجمهور ونجوم الفن بالدعاء له.

وكانت بدرية طلبة قد أوضحت قبل ساعات عن سبب بتر ساقه حيث كتبت: "للناس اللي بتتصل وبتبعت رسايل؛ علشان تطمن على الفنان شريف دسوقي (سبعبع)، كان فيه جرح في رجله الشمال، وهو مريض سكر، حالته ساءت جدا، وبعد الفحوصات والأشعة والتحاليل، قرر الدكتور بتر الرجل من تحت الركبة".

تفاصيل مرض شريف دسوقي

وقبل شهرين كان شريف دسوقي قد كشف قبل شهرين عن تفاصيل إصابته بجرح في قدمه خلال تصوير أحد المسلسلات وتسببت له في خراج عمقه أكثر من 7 سنتيمتر، وتجاهل طاقم عمل المسلسل له ولإصابته.

وكتب في منشور له حينها: "اللي حصل إني أُصبت في رجلي أثناء تصوير أحد المسلسلات اللي مشوني منها، ويشهد على كده كل اللي بيتعاملوا معايا .. اتصابت يومها بجرح صغير وما كنتش أعرف إني عندي سكر المهم روحت وجيت تاني يوم حسيت بدوخة قلت لهم ودوني المستشفى أفاجئ إن ولا واحد من المسلسل معايا باستثناء المنتج أحمد الجنايني وهو منتج فيلمي وقفة رجالة".

وتابع: "عملتت تحاليل واكتشفت إني عندي سكر وخبيت على الأستاذ أحمد الجنايني إني مصاب عشان ما عطلش التصوير بتاع فيلم "وقفة رجالة" الحمدلله نتاج تحملي ربنا كرمنا .. خلصت الفيلم وداخل حاجات تانية".

شائعات دخوله لوكشين التصوير في حالة سكر

في نفس التوقيت خرجت شائعات تفيد تفيد بدخوله لوكيشن التصوير وهو في حالة سكر، ودخوله المصحة النفسية، وهو ما أثار جدلًا كبيرًا حوله.

وكتب في منشوره موضحًا: "فوجئت إن الدنيا كلها بتقول مشّوا شريف من المسلسلات عشان بيخش مخمور وسكران.. أنا المتربي على مدرسة إسماعيل ياسين أنا مدرّب مادة التمثيل مستحيل أبقى نصاب، بطالب بحقي فقط لا غير إني أتعوض عن اللي حصل.. أنا مخدتش تلت أجري ومش عيب أقول كده".

دخوله المصحة النفسية

وعن دخوله مصحة نفسية كتب مستنكرًا: "مصحة نفسية؟ هي زيارة نفسية اللي روحتها وكانت من 20 سنة لما انفصلت عن زوجتي أم ابني، هو فيه حد لما ينفصل عن زوجته ينزل الشارع يرقص؟ أنا 40 سنة ببني نفسي بدراعي واشتغلت مع أكبر مخرجين مصر اسألهم شريف عامل إيه في اللوكيشن".

واستطرد: "ليه الموهوب واللي بينوّر في زماننا بيحاربوه؟ ليه احنا البلد اللي بتقتل الموهوبين الحقيقيين؟ أنا زعلت عشان حالتي كانت صعبة من 8 شهور استشاريين كانوا يعيطوا وما يقدروش يبصوا لرجلي النهاردة الحمدلله ربنا عافاني بعد فترة ما قلتش لحد فيها حاجة بس من حقي أزعل لما اتكشف إعلاميًا غصب عني أنا ما كنش عندي صداع أنا كنت مهدد فعلًا ببتر رجلي!".

واختتم: "عيب يتقال عليا إني روحت مصحة نفسية أو بدخل اللوكيشن سكران أنا بحضر قبل التصوير بساعتين وبقعد مع العمال نظبط الديكورات ونفطر مع بعض الظلم وحش".

اقرأ أيضًا: بتر ساق الممثل شريف الدسوقي.. وبدرية طلبة: ادعوا له

كيف عالج شريف دسوقي قدمه

وكان شريف دسوقي، قد يتردد على المستشفيات، بشأن علاجها، حتى نصحه أحد الأطباء بوضعها في مياه البحر، إذ كان يسافر إلى الإسكندرية -مسقط رأسه- وقضاء بعض الوقت داخل المياه هناك، والسؤال هل تسبب ماء البحر في تفاقم حالة شريف دسوقي وبتر ساقه؟