هيفاء وهبي: ”اليوم الذكرى الأولى لعيد موتك يا لبنان”
وجهت النجمة اللبنانية هيفاء وهبي، رسالة مؤثرة في الذكرى الأولى لانفجار بيروت، والأحداث المؤسفة التي شهدتها لبنان العام الماضي.
وكتبت هيفاء وهبي، عبر حسابها الشخصي بموقع التواصل الاجتماعي فيسبوك: "اليوم الذكرى الأولى لعيد موتك يالبنان، إتغير المنظر الي كنت شوفه من شرفة بيتي المطلة عليك يا مرفأ! ، كنت أوقف عالشرفة و شوف بيروت الحلوة ، شوف الأضوية والناس عمتتمشى مبسوطة!".
وتابعت: "هلا صار المنظر جرح ..صرت شم ريحة وجع وصرخة كل شخص فقد غالي عقلبه بالانفجار !
لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة الي ما ذنبها !!".
اقرأ أيضًا: مركز السينما العربية يمنح محمد رُضا وسيدني ليفاين جائزة الإنجاز النقدي
واستكملت: "المنظر اتغير يابيروت..
بترجاكي ارجعيلنا يا حلوة اشتقنالك.. ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا و يا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها!، اليوم لابستِلك انا ابيض يا حلوة.. لونك، لون الأمل اللي ما بدي افقده قومي اوقفي مشّي معنا نرجع لهونيك، انفجار، بيروت".