السيسي يدعم حفظة القرآن ويوجه رسالة لمبروك عطية ”فيديو”
أجرى الرئيس عبد الفتاح السيسي، مداخلة هاتفية في برنامج "يحدث في مصر" على قناة "إم بي سي مصر"، مع الإعلامي شريف عامر، للإشادة بالطفل أحمد تامر، الذي استضافه الأخير، ويبلغ من العمر 8 سنوات، وأتم حفظ القرآن الكريم، وهو في عمر 5 سنوات ونصف.
ومازح شريف عامر الرئيس عبد الفتاح السيسيفي البداية بقوله: "ده مش من النماذج المتعبة يا سيادة الرئيس"، ليرد السيسي ضاحكا: " دي نماذج عظيمة جدا، تحياتي لابننا أحمد، ربنا يا ابني يحفظك ويخليك لأهلك ويحميك من كل شر وسوء".
السيسي: الحفظ وحده لا يكفي
كما وجه التحية لمقدم البرنامج قائلا: "للمرة الثانية مكانش ينفع يعدي عليا أشوف النموذج الجميل ده ومتكلمش، وبسجل تقديري أيضًا ليك يا أستاذ شريف على التنوع الكبير في التناول لبرنامج، والقضايا اللي بيتم استدعائها ومناقشتها، وأيضًا اللي أنت بتجبها، كتر خيرك".
وتحدث السيسي عن ضرورة فهم القرآن خلال حديثه للطفل أحمد تامر، مهنئًا والدي الطفل به، قائلا: "يا أحمد ربنا يحفظك ويكملك بخير ويحميك أنت وأسرتك، وبهني والدك ووالدتك، عارف أنت حافظ إيه، ده كلام ربنا سبحانه وتعالى أعز كلام وأفضل كلام وأكرم كلام، البركة كلها معاك، بس عارف حفظ القرآن مهم ولازم فهمه".
وواصل الرئيس أن الفهم أمر ضروري، موضحا أنه يحب إجراء مداخلة هاتفية ليوضح أنه يجب الاهتمام باللغة العربية وحفظ القرآن وتنظيم قراءات أولادنا، متابعا: "مهم إن الأسرة تبقى منتبهة لأولادها وبناتها وتشوف النقاط اللي ممكن يتفوقوا فيها، مش لازم كلهم يكونوا حفظة قرآن زي أحمد اللي حافظ القرآن بقراءات متنوعة، فيه حاجات تانية كتيرة وكلها نعم من ربنا، ممكن تكون أنشطة رياضية وملكات تانية واحنا لو نميناها واهتمينا بيها هنلاقي النبت الجميل بيكبر وهنبقى فرحانين بيه".
السيسي للطفل أحمد تامر: هتبقى شيخنا في أول افتتاح
وأوضح الرئيس: "بقول لأحمد واللي بيسمعونا من المصريين وغيرهم، ممكن أوي تحفظ بس افهم، لأن الحفظ لوحده من غير فهم مش كفاية، محدش يقدر يلوي العقائد والنصوص لو فيه فهم، أنا لما بسمع إن واحد بيقول مبلعبش في الشارع، بقول مش هينفع عشان مش هتقدر موهبة تعيش حياتها بالطريقة اللي احنا بنعيشها".
اقرأ أيضا: الرئيس السيسي يهنئ نظيره التشيكي بمناسبة ذكرى العيد القومي
وشدد رئيس الجمهورية على دعم موهبة الطفل أحمد تامر، قائلًا: "أنا زي جدك يا أحمد، مش ممكن نقدر نحقق اللي وصلنا ليه إلا لما ندعم المواهب ونرعاها، أنا بستأذن الوالد إنك أول افتتاح لينا هتبقى الشيخ بتاعنا، ونقرأ ما تسير من القرآن، أدعوك لهذا الأمر".
السيسي لمبروك عطية: مش كل اللي بيسمعوك ثقافتهم واحدة
وفي المداخلة نفسها، وجه الرئيس عبد الفتاح السيسي، رسالة للدكتور مبروك عطية، مؤكدا أنه سعيد به، وما يتناوله من قضايا مختلفة، معقبا على حلقاته: "أنا مش هقول ملحوظة ولا حاجة، العلماء الأجلاء مينفعش نقول عليهم ملحوظات كل اللي بيسمعنا ثقافات مختلفة وأفكار مختلفة، ويمكن نقول متنوعة، مش كل الناس هتستقبل كل الكلام بنفس الفهم اللي بيبقى مقصود عند طرحه، مش عارف أوصلك النقطة دي يا أستاذ مبروك، كل اللي عاوز أقوله إن كل اللي بيتقال مش كلنا هنفهمه بشكل متساوٍ، يمكن دي مش مشكلة، بس عاوز المتحدث يعرف إن كل اللي بيسمعوه مش زي بعضهم، الأفكار مختلفة، لكن تقديري لك وللأستاذ شريف".
السيسي: الإعلام مجال عظيم.. ومن يمارسه له أجر كبير
كما تطرق الرئيس السيسي للحدسث عن ملف الإعلام، موضحا أن العاملين في مهن كالإعلام لهم أجر عظيم، واصفا إياه بالمجال العظيم: "اوعى تتصور إن اللي بيعمل في هذا المجال ملهوش أجر، لأ ليه أجر كبير جدا، خاصة إن المرء ليصدق ويتحرى الصدق حتى يكتب عند الله صديقا".
وأضاف: "الإعلامي المخلص في رسالته ليه أجر كبير لكل اللي هيسمعه، وأحمد في تلاوته للقرآن وأسرته وأنت، ليك أجر، وربنا بيدي الكل ومعندهوش مشكلة"، مشددا على الإعلاميين عند تناول أي قضية، أن يجري ذلك بعد القراءة والتوسع في التفاصيل، حتى يكونوا مرآة للصدق، ويحصلوا على الأجر الكبير.
وفي ختام مكالمته، شدد على الطفل أحمد تامر أن يخبره بما ينقصه حتى يحققه له، لكن الأخير لم يطلب شيئًا، ليرد الرئيس قائلا: "متتحرجش مني ولا تتكسف يا ابني، يفكر زي ما هو عايز وأنا تحت أمره".