مدافع الزمالك السابق يفتح النار على مؤمن سليمان: «شخصيتك ضعيفة والجاي هيزعلك»
فتح أحمد دويدار مدافع الزمالك السابق، النار على مدربه السابق مؤمن سليمان بعد تصريحاته الأخيرة، حول خسارة نهائي دوري أبطال إفريقيا 2016 على يد صن داونز.
وفشل الزمالك في التتويج بلقب دوري أبطال إفريقيا، بعدما خسر من صن داونز في ذهاب المباراة النهائية بنتيجة 3-0، قبل أن يفوز في مباراة العودة بهدف دون رد.
وكتب أحمد دويدار عبر حسابه الرسمي على موقع التواصل الاجتماعي "فيسبوك": "لقيت فيديو مؤمن سليمان بيقول هكسب دوري أبطال إفريقيا إزاي ومعايا مايوكا ورمزي خالد ودويدار ومصطفي فتحي، ده تقليل مننا من مدرب معندوش خبرة وفاكر نفسه عبقري زمانه".
وتابع: "على فكرة ماتش العودة صن دوانز أنا لعبت من أفضل الماتشات في حياتيـ وكنت نفسي ناخد البطولة بس للأسف طريقتك الهجومية في ماتش الذهاب في صن داونز هى سبب خسارة البطولة".
وواصل: "قولت في المحاضره هنجيب هدفين في أأول ربع ساعة حصل العكس دخل فينا 3، يا مؤمن انت عدو نفسك فشلت في سموحة وبعد كدة في المقاصة، انت مش مدير فني انت مدرب عام كتير عليك كمان وشخصيتك ضعيفة مع اللاعبين ومبتعرفش تسيطر على أوضة اللبس".
وأضاف مدافع الزمالك السابق: "بلاش أقول انت اتشتمت من مين وأنا اللي خليته يبوس فوق دماغك ويعتذرلك قدام الناس، مفيش فريق دربته غير لما لاعب يتخانق معاك".
وأكمل: "انت هتشوف نفسك علشان الأول في الدوري العراقي، هو أنا اللي كنت بقول للاعبين أنا أحسن من كوبر وحسام حسن وميدو وعبقري زماني، يا راجل انت بتلف على كل لاعب تاخد رأيه في التدريب وتشكيل الماتش انت مهزوز جدا انت كل متطلع تقول 14 لاعب إيه علاقة ده بطريقة اللعب والفتي".
اقرأ أيضًا: مرتضى منصور يجتمع بلاعبي الزمالك قبل السفر للمغرب
واختتم: "ليه العند وتبرير الفشل متقول انك غلطت وخلاص، هفضل أقول انت سبب رئيسي في خسارة دوري أبطال إفريقيا ماتش صن داونز، وكانت بطولة سهلة وربنا يهديك على نفسك يا روتيشن، مكنتش حابب أتكلم عنك بس لازم أرد عليك هتجيب سيرتي تاني اللي جاي هيزعلك".