شوبير ينتقد موسيماني: «مدرسته أول مرة أسمع عنها..واللي بيحصل في الأهلي غلط»
وجه الإعلامي أحمد شوبير انتقادا للجنوب إفريقي بيتسو موسيماني، المدير الفني للفريق الأول لكرة القدم بالنادي الأهلي، بعد قراره الأخير بمنح اللاعبين راحة من التدريبات لمدة 8 أيام.
وجاء قرار الجنوب إفريقي بعد الفوز على المريخ السوداني بثلاثة أهداف مقابل هدف، على يعود أن اللاعبين للتدريبات الجماعية يوم 27 مارس الجاري، قبل مواجهة الهلال المقرر لها 2 إبريل المقبل.
وقال شوبير في تصريحات عبر برنامجه الإذاعي "مع شوبير" المذاع على راديو "اون سبورت": "أنا مش هغير كلامي ولا هبطل أقول، إن اللي بيحصل في الأهلي غلط ومش مظبوط، وقلقان رغم أن فرص الصعود لربع نهائي دوري الأبطال 99.9%".
وأوضح: "إزاي الفريق ياخد راحة 8 أيام، أنا معاك إن في لاعيبة مجهدة من ضغط المباريات، لكن في لاعيبة كتير مش بتلعب ومعندهاش إجهاد، كان لازم يرجعوا التمرين بدري".
وتساءل شوبير: "يعني إيه الأهلي يرجع يوم 27 مارس وعنده مباراة يوم 2 أبريل أمام الهلال، بجد إزاي؟ حد يفهمني، ليه الأهلي النادي الوحيد في مصر اللي مبيلعبش مباريات ودية؟".
اقرأ أيضًا: مجموعة الأهلي في دوري أبطال إفريقيا 2022.. الأحمر يقترب من خطف بطاقة التأهل
واختتم أحمد شوبير تصريحاته: "فيها إيه يعني لما اللاعبيبة ترجع التمرين بدري، ويتعمل لهم برامج لتجهيزهم، خصوصًا بتوع الدكة، ونعمل مباريات ودية ونشوفهم كويس".