أحمد موسى يوجه رسالة شديدة اللهجة لـ «النواب».. فيديو
طالب الإعلامي أحمد موسى، النواب، بضرورة الحفاظ على البلد والتعبير عن مطالب الشعب.
وقال موسى، خلال برنامجه "على مسئوليتي"، المذاع على قناة صدى البلد: "أرجو من النواب المحترمين اللي بيعبروا عن الشعب، تتكلموا زي ما أنتوا عايزين، ولكن اعرف ظروف بلدك".
وتابع: "لو أنت تحت قبة البرلمان وبتعبر عن 100 مليون ومش عارف ظروف بلدك يبقى إحنا في أزمة كبيرة جدًا".
وأكمل: "الموضوع مش مزايدات وكسب شعبية على حساب وطن، فكر هتجيب منين فلوس عشان تغير إسكندرية، عندك؟، لا معندكش".
وتابع: "هو أنت الكهرباء جبت فلوسها منين، كل التغييرات اللي حاصله منين، حد يقولي، طلع النائب محمد أبو العينين النهارده اتكلم عن القروض وشرح بشكل مبسط راجل عنده خبرة سياسية".
وواصل موسى: "نخلي بالنا أوي من البلد، هذه مرحلة التكاتف ومحدش يرمي على التاني، كلنا رئيس وشعب ومجلس نواب وحكومة حاجة واحدة".