سمية الخشاب تطالب بإعدام قاتل فتاة المنصورة
أعربت الفنانة سمية الخشاب عن حزنها الشديد لما تعرضت له فتاة المنصورة على يد زميلها بالجامعة، وطالبت بإعدام قاتل طالبة جامعة المنصورة نيرة أشرف، في الواقعة التي أثارت غضب الرأي العام.
ودشنت سمية الخشاب عبر حسابها في "تويتر" تغريدة قالت فيها : "ارجوكم لو لقيتوا اي ست بتتضرب او بتتعرض لعنف في اي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا اولادكم بقي عشان قرفنا، متخلفوش لو انتوا مبتعرفوش تربوا كفايه!! واعدام ان شاء الله".
وأعربت سمية الخشاب عن استيائها من بعض التعليقات التي قرأتها حول الحادثة، وكتبت في تغريدة أخرى : "المهم وانا ببص كده علي التعليقات لقيت شويه مرضي نفسيين ميقلوش اجرام عن اللي ارتكب الجريمه بيلوموا البنت ويقولوا كانت لابسه لبس مش محتشم وبيبرروا دبحها، يعني اتدبحت وراحت حياتها وكمان مذنبة، لازم الناس دي تفوق لانهم بيبقوا مشاريع اجرام وربوا اولادكم عشان قرفنا منكم ومنهم".
وخلال الساعات الماضية انتشر مقطع فيديو صادم لفتاة تدعى نيرة أشرف تلقى مصرعها على يد زميلها طعنا بالسكين أمام جامعة المنصورة، قبل أن يتمكن الأهالي من الإمساك به وتسليمه للشرطة.
اقرأ أيضًا.. غادة إبراهيم تبدأ بروفات مسرحية «تعالى بالحب»