المتهم بقتل طالبة جامعة المنصورة: «أهلها مضوني على إيصالات أمانة علشان متعرضلهاش»
تنشر «الطريق»، نص تحقيقات النيابة العامة مع المتهم في القضية التي حملت رقم 11409 لسنة 2022 جنح أول المنصورة، والمعروفة إعلاميا بـ«طالبة جامعة المنصورة»، والمتهم فيها «محمد عادل»، الذي نحر زميلته بسلاح أبيض أمام بوابة توشكى بجامعة المنصورة لرفضها الارتباط به عاطفيا أو الزواج منه.
وقال المتهم خلال تحقيقات النيابة العامة، إنه «كنت ببعت من حسابي لأهلها وكل معارفها اللي حصل بيني وبينها والرسايل اللي بيني وبينها وصورها، وهي قالتلي أنها عملت فيا محضر ولقيت ضابط من القاهرة بدأ يهددني أنه يقدر يأذيني لو اتعرضت لها تاني، وأنا مكنش مراضيني اللي هي عملته وكنت مصمم اخد حقي منها ومسكتش وكنت بساومها يا إما ترجعلي وكل حاجه تخلص يا إما هقرفها»
وأضاف المتهم خلال تحقيقات النيابة العامة، أنه «أنا فضلت اعمل اللي بعمله لحد ما أهلها عرفوا يقعدوني في قاعدة عرفي وخدوا التليفونات ومسحوا اللي عليها ومضيت إيصال أمانة وتعهد بعدم التعرض لها، وكلموني وقالولي عايزين نخلص الموضوع اللي بينك وبين بنتنا ولما روحت لقيت ناس كتير وكلهم عرفوا الموضوع وحكموا عليا أن أنا امسح الصور والمحادثات اللي معايا على تليفوني، واحنا كلنا كنا قاعدين وكانت قعدة حق، بس كان كلامهم شديد معايا ومحدش كان مقدر اللي أنا عملته مع نيرة».
وتابع خلال تحقيقات النيابة العامة، أن «كان ردهم بيستفزني وقالولي أنت مش أول راجل ينضحك عليه، وأنا مضيت على عدم تعرض وإيصال أمانة علشان لو اتعرضتلها تاني يرفعوه عليا، وأنا كنت ساكت وخلاص ولكن كان في دماغي إني اخد حقي منها وأول لما حد قالي أنها بتتكلم عليا فأنا كنت مستني اني ارد كرامتي وكلمتها على الواتس والفون، وكنت بقولها عيب اللي بتعمليه ده أنا صرفت عليكي دم قلبي علشان ممكن تقدر ده فكانت بترد باستهزاء وانا كنت بضايق من اللي هي بتعمله فانا كلمت ابوها علشان اشوف نهاية الحوار ده».
اقرأ أيضا: المتهم بقتل طالبة المنصورة: موتها بسكينة حامية وكنت هخلص عليها من تالت يوم امتحانات