ليلى أحمد زاهر عن مشوارها الفني: «صعب أقول إني شاطرة»
تحدثت الفنانة الشابة ليلى أحمد زاهر عن رأيها في نفسها كممثلة، وعن مسلسلها الأخير في بيتنا روبوت، بالإضافة لعلاقتها ب لوكيشن التصوير.
وقالت "ليلى" في تصريحات تليفزيونية لها: "أنا مبحبش أشوف أعمالي وصعب قوي أقول إني ممثلة شاطرة، بس أنا راضية عن كل اللي وصلت ليه ونفسي أحقق أكتر، ولسه عندي كتير أحسن من اللي قدمته في السينما".
وتابعت عن علاقتها ب لوكيشن التصوير، قائلة: "بحس إن اللوكيشن بيتي التاني عشان كنت بروحه من وأنا صغيرة مع بابا، وكمان أنا بدأت أشتغل من صغري، وساعات بتكون الأجواء في اللوكيشن حلوة وجميلة وساعات بتكون فيها حالة من الطاقة السلبية، بس عمومًا بكون مبسوطة وأنا بصور".
وعن مسلسل "في بيتنا روبوت" أضافت: "كنت قلقانة جدًا عشان أول بطولة ليا وكمان كنت صغيرة ولسه ببدأ، بس أيام التصوير في الجزئين كانت أحلى أيام حياتي عشان الكواليس كانت كلها ضحك وهزار".
اقرأ أيضا.. كارول سماحة تحتفل بعيد الميلاد المجيد مع جمهورها في الأردن