مش همنع بنتي لو عايزة تمثل.. رانيا فريد شوقي تفاجئ جمهورها بتصريحات جريئة
حلت الفنانة رانيا فريد شوقي ضيفة في برنامج "الستات ما يعرفوش يكدبوا" المذاع عبر شاشة قناة "cbc"، وتحدث عن العديد من الأمور الخاصة بها، منها: علاقتها بوالدها الراحل فريد شوقي وكواليس دخولها مجال التمثيل.
ونرصد لكم أبرز تصريحاتها في البرنامج خلال السطور التالية:
- أنا خدت من بابا جينات التمثيل، وأنا الوحيدة في أخواتي اللي بحب التمثيل، وخدت منه كمان حب المهنة وحب الناس والإلتزام.
- معنديش مشكلة حد يعمل السيرة الذاتية لوالدي، لكن المهم يكون العمل كويس، عشان أنا اتعقدت من أعمال السيرة الذاتية اللي منجحتش.
- ماما هى اللي كانت وحش في البيت، وبابا مكنش بيتدخل في أى حاجة خالص.
- قولت لبابا قبل كده لو مدخلتش مجال التمثيل هروح أعيش في أمريكا عند خالتي.
- لو حد خد دور مكاني بقول عادي ده رزق ربنا ومكنش ليا نصيب فيه وربنا بيبقى شايل ليا الأفضل.
- معنديش مشكلة أطلع أم لـ7 أطفال، والفنان لازم يغير في أدواره، وأنا بحب التنوع في الأدوار.
اقرأ أيضا.. مصطفى شعبان يبدأ تصوير مسلسل «بابا المجال» في هذا الموعد
- في مسلسل قبلته واشتغلت فيه 3 أيام، ومكنتش عيزاه بس قولت مش مشكلة أهو تغيير وبعدين دوري إتشال وعرفت من الجورنال.
- بخاف من الحسد لأنه أصعب من السحر، وقبل ما بنزل أى حاجة بقعد أقرأ أيه الكرسي والمعوذتين، وزوجي هو عوضه الجميل.
- أستاذ أحمد زكي وفاروق الفيشاوي ونور الشريف ومحمود عبد العزيز كانوا دايمًا عندنا في البيت، وهما اللي ربوني وتقريبًا هو كان كبير العيلة الفنية.
- لما عملت دور رقاصة وساعتها حصلت مشاكل مع بابا، وكان دايمًا بيقول كلمتي عقد.
- بنتي ملك ورثت مني حب الفن، ومش هعارض لو قررت تدخل الوسط الفني، فريد شوقي نفسه مقدرش عليا.
- نفسي أعمل دور يقدم معاناة الأسر اللي ولادهم من ذوي القدارت الخاصة.
- أنا مش شاطرة خالص في الإنتاج، ولو دخلت فيه هخسر وهطلع مديونة.
- الست اللي مش نضيفة في بيتها أصعب حاجة في الدنيا، هى والست النقاقة.
اقرأ أيضا.. أنغام تحتجز بالمستشفى بعد إجراءها عملية جراحية .. تفاصيل