ياسمين عز: «مينفعش تسيبي جوزك في الصالة وتروحي الحمام قبل ما تستأذني منه»
وجهت الإعلامية ياسمين عز، مجموعة من النصائح للسيدات المتزوجات عن كيفية التعامل مع أزواجهن وتيسير أمور الحياة الزوجية، قائلة إنه واجب على الزوجة احترام زوجها : "مينفعش يا مدام يكون جوزك قاعد في الصالة بيتكلم وأنتي تقومي فجأة كدة تروحي الحمام من غير ماتستأذني منه".
وأضافت ياسمين عز، خلال تقديمها حلقة اليوم من برنامجها "كلام الناس" المذاع عبر فضائية "إم بي سي مصر" مساء اليوم الأحد: "أنتي ممكن بمنتهى اللطافة تستنيه لما يخلص كلامه براحته ويقوم هو الأول وبعدين أنتي تقومي تروحي الحمام براحتك"، معقبة " الحمام مش أهم منه".
اقرأ أيضًا: عيب يا مدام.. ياسمين عز: «متتنفسيش مع جوزك في نفس الوقت»
وتابعت مقدمة برناج "كلام الناس"، لما تيجي تستأذني منه اتكلمي بلطف، استني لما يخلص كلامه أو يقف وقفة معينة واعملي مداخلة بسرعة، وهو بيسحب نفس علشان يكمل الجملة اللي بعدها تتكلمي بسرعة قبل ما تقطعي أول كلمة في جملته الجاية".
وأردفت: "قوليله بلطف ياحبيبي هروح أعمل حاجة وجاية، أو هروح أغسل إيدي علشان حاسة انها محتاجة تتعطر شوية".