السيسي لأسر طلبة الشرطة: «خلوا بالكم من أولادكم إحنا منظمينهم»
بث التليفزيون المصري، تقريرا للجولة التفقدية للرئيس عبدالفتاح السيسي بمقر أكاديمية الشرطة.
تحدث الرئيس عبد الفتاح السيسي مع أسر طلبة أكاديمية الشرطة، قائلا: "الي حفظ مصر وهيحفظها ويكبرها ربنا سبحانه وتعالي، وأنتم الأسر اللى زيكم اللي ربت ولادها وكبرتها وبتقدمها لمصر، إنتم ومش بجاملكم.. بيكم واللي انتوا عملتوه والشباب والشابات اللي ربتوهم أحسن تربية وجهزتموهم وتقولوا اتفضل بنقدمهم لمصر.. ربنا يحفظم ويحميكم وتحيا مصر بيكم جميعا".
وجه الرئيس السيسي حديثه لأسر الطلاب خلال زيارته لمقر أكاديمية الشرطة قائلا: "خالوا بالكم من ولادكم ما تأكلوهومش كتير إحنا منظمينهم.. وإن شاء الله تسعدوا بيهم وربنا يحفظكم".
طمأن الرئيس السيسي الحاضرين عن أحوال البلاد: بطمنكم على حالنا إحنا بخير ودايما أقول الكلمة دي لما أقابل أهلي المصريين بقولهم متخفوش ومتقلقوش من حاجة خالص، إحنا مرينا بأيام صعبة خالص قوي قوي السنين اللى فاتت، وافتكروا فيه تضحيات قد ايه؟، وربنا سبحانه وتعالى هونها علينا ووفقنا بفضله وكرمه علينا، والتضحيات الشباب والجيش والشرطة وبقت مصر في حتة تانية بفضل الله سبحانه وتعالي".
واصل الرئيس حديثه قائلا: "اطمنوا علي ولادكم.. وبنهنيكم عليهم أنهم شباب وشابات حاجة تفرح .. إحنا جينا بدري شوية علشان نقولهم كل سنة وأنتم طيبين، لكن كل التدريبات حاجة تطمن وتفرح بشكركم مرة تانية بيقولولي أنت اللي هتنزلهم او متنزلهومش فانا مش عارف؟ عاوزين تاخدوهم بقول لوزير الداخلية الناس هتيجي ونقول الناس لا ..هما نازلين معاكم وكل سنة وانتم طيبيين.. ربنا يخليكم .. متشكر ربنا يكرمكم ويخليكم متشكر".
وتفقد الرئيس عبد الفتاح السيسي فجر اليوم، الأربعاء، مقر أكاديمية الشرطة، صرح بذلك المستشار أحمد فهمي، المتحدث الرسمي باسم رئاسة الجمهورية.