دوللي شاهين: «بابا مكنش شايفني حلوة.. وكان هدفي اتحرر من عقليته المتخلفة»
تصدر اسم الفنانة دوللي شاهين مؤشرات البحث في جوجل بعد تصريحاتها الأخيرة في برنامج "بنشتري راجل" المذاع عبر قناة الشمس، وتحدثت شاهين عن علاقتها بوالدها وعن سبب محاولاتها للانتحار أكثر من مرة.
يرصد إليكم الطريق أبرز تصريحات دوللي شاهين
• في سن مُعين كنت عاملة زي الولد و بتعامل زي الولد.
• طفولتي مكنتش لطيفة، وعلاقتي بأهلي ووالدي بالذات مكنتش كويسة، ولكن والدتي كانت ملاكا.
• بابا اتجوز ماما وهي عندها 14 سنة وهو كان عنده 34 سنة، ونقدر نقول أن هو اللي ربى ماما.
• بابا أثر فيا أكتر من ماما لأن شخصيته قوية جدًا.
• أنا محبش إن بنتي تدخل الوسط الفني لأنه تعب وشقي وعذاب ومش هيبقى عندها ظهر زي ما أنا معنديش ظهر ومعنديش حد يدعمني، وساعات بعقد من غير شغل علشان الوسط والشللية، وده اللي بقوله لبنتي.
• أنا حاولت انتحر كذا مرة والموت أهون عندي ولكن محدش يحدد مستقبلي، فمينفعش أجي دلوقتي بعد العمر ده كله أتحكم في مستقبل بنتي.
• أنا هدعم بنتي في أي حاجة هي عايزاها وأنا بغير عليها جدًا ولكني ست عقلانية، مقدرش أمنعها من حاجة محدش قدر يمنعني منها يعني بابا وجبروته ده كله مقدرش يمنعني.
• بعيش حالياً قصة حب، والحب حاجة جميلة ولكن اللي يقدر قيمة الحب، وأؤمن بالحب الزيادة وأن الحب أهم من أي حاجة في الدنيا، ولغاية دلوقتي مقتنعة أن لسة في أمل في الحب.
• أول جيبة لبستها في حياتي جاتني هدية وأنا عندي 13 سنة، والدي قطعها لي علشان يقهرني و يضايقني.
• كان كل هدفي إني أتحرر من عقلية والدي "المتخلفة" دي اللي أنا عايشة فيها.
• بابا مكنش شايفني حلوة وأنا دائمًا بقول البني آدم اللي عنده مشاكل بتكون من الطفولة وممكن والدي كان كده.
• مكنش عندي فتى أحلام، بابا كان راجل شرقي بزيادة وكان عنده قيود كتيرة وكان كل أحلامي إني أتحرر من قيوده، قبل ما أفكر مين فتى أحلامي.
• التربية الشرقية للأسف بتربي البنت أنها تشيل المسؤولية والبيت بدري.
اقرأ أيضاً: