كواليس اللحظات الأخيرة في حياة أحمد سامي العدل قبل رحيله
كشفت الفنانة رشا سامي العدل كواليس اللحظات الأخيرة في حياة شقيقها المخرج أحمد سامي العدل الذي رحل عن عالمنا صباح أمس السبت الموافق 30 من سبتمبر فجأة في عز شبابه.
اللحظات الأخيرة في حياة المخرج أحمد سامي العدل قبل رحيله
ونشرت الفنانة شقيقة أحمد سامي العدل صوره تجمعها به في طفولته عبر حسابها الرسمي على موقع فيسبوك وعلقت عليها :"قاعدين على البحر في دهب في ساعة غروب بنضحك وبنعيط سوا.. وبقينا نشتكي لبعض وقد إيه أبونا وحشنا والحياة من غيره صعبة.. وفضفضنا لبعض كتير ووعدنا بعض بحاجات كتير".
وتابعت رشا العدل :" بعدها رجع القاهرة على وعد بلقاء قريب نتجمع مرة تانية.. وجه اللقاء بعد مكالمة تليفون.. الحقي أخوكي تعبان في المستشفى جريت عليه لقيت التعب والألم زايدين على عمره عمرين.. ومش عارف يتنفس وولا يتكلم.. قعدت أكلمه وأضحكه وأحاول أهون عليه شوية وأسيبه يرتاح شوية.
رحيل أحمد سامي العدل
واستكملت:" وفي عز محاولاتي نقله لمستشفى تانية فقد نبض قلبه لثواني أدامي.. اتخضيت والدكاترة طمنوني وقالوا مفيش حاجة أهو زي الفل بس قلبي وجعني.. ولقيتني بقول له عايزاك تسبح وتقول الشهادة معايا وتقول كل القرآن اللي انت حافظه".
واختتمت :"يا دوبك لفيت ظهري، لسة هاخرج أشوف موضوع الإسعاف ونقله لقيت دكاترة وممرضين في كل حتة حوالين أحمد، بيحاولوا ينعشوه ٣٨ دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني.. ماسكة في خيط أمل من الدخان اتقطع بأخر نفس منه.. وراح أحمد أخويا الصغير الطيب الحنين الهادي.
اقرأ أيضًا.. توفى فجأة.. كلمات مؤثرة لوالدة أحمد سامي العدل بعد وفاته