ميرهان حسين عن ارتباط خطيبها بشيرين عبد الوهاب: «ماما قالتلي تستاهلي حد أحسن»
علقت الفنانة ميرهان حسين على أنباء ارتباط خطيبها بالمطربة شيرين عبد الوهاب، خاصة بعد تصدرها المشهد عبر مواقع التواصل الاجتماعي خلال الفترة الماضية، مشيرة إلى إن ما حدث بينهما هو نصيب وليس رغبة في الانتقام.
ميرهان حسين تعلق على ارتباط خطيبها
وقالت ميرهان حسين في لقاء تلفزيوني: "معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شئ في الدنيا نصيب ومش شرط حاجة أكون عايزاها في وقت معين تكون هي الصح ليّا وعسى أن تكرهوا شيئًا وهو خير لكم».
وتابعت: «ماما اتبسطت قالتلي الحمد لله.. وقالتلي تستاهلي حد أحسن.. كان بقالي سنة مخطوبة وكان الفرح المفروض يبقى في فبراير ومحصلش نصيب».
وأردفت: «أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط، بس بحتاج إني أقعد شوية لوحدي».
وأضافت: «ده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة ولقد خلقنا الإنسان في كبد، بس لازم نقوم».
اقرأ أيضا: إطلالة مثيرة لـ ميرهان حسين.. والجمهور: ”عود البطل” (صور)