حكاية قلب
-
شعر /ريم صبيح
تعالي...
اسمع....
هاقولك...
هات قلبك احكيله
هاقوله و هاشتكيله
طب بص افرد ايدك
هارسملك صوت نبضي في وريدك
هلف ايدى الاتنين حوالين جيدك
هابص في عيونك و اسرح في تنهيدك
طب اقولك هلف و اعمل زعلانة
و يمكن كمان اعملها شغلانة
و افضل ادبدب و اعمل غضبانة
عشان استني تجيني و تراضيني
و تحضني من ضهرى و تواسيني
و تقولي معلش يا حبيبتي اعذريني
برغم ان الدنيا كلها حواليا صورتك مش فارقت عيني
شايلك في قلبي و بهديلك سنيني
و كل المسافات دابت و الارض طواها حنيني
هاقولك عارفة يا روحي
فاهمة يا بلسم جروحي
بتدلع عليك
عشان امسك ايديك
و ابص جوه عينيك
و احس بحرارة الحب
و هو في قلبي بيدب
من اول ما كان طفل بيشب