5 حاجات لو الزوجة عملتهم زوجها يفقد الثقة فيها.. تحذير من نيفين مختار

حذرت الدكتورة نيفين مختار، الداعية الإسلامي، من أشياء لو فعلتها الزوجة يمكن أن تخسر زوجها، قائلة: «بناء الثقة.. بناء الثقة بشبهه بعمارة، تقعد تبني في عمارة من 20 دور، تاخد كذا سنة على ما تعملها وتشطبها، وساعة ما الثقة تروح تتهد العمارة في ثانية».  

وتابعت خلال برنامج أنا وهو وهي تقديم سارة سامي وشريف بديع وآية شعيب: البناء صعب والهدد سهل. بناء الثقة صعب جدا، يقعد الزوج عشان يثق في زوجته بالسنين ويختبرها، بالمواقف، وهي نفس الحكاية تختبره في سنين كتير، وفي موقف واحد هو يعمله أو هي تعمله تتهز الثقة».

وأضافت نيفين مختار أن بناء الثقة أمر صعب جدا، معلقة: اللي يقدر يحافظ على الثقة دي ده يبقى إنسان هايل، واللي تتهد الثقة بتاعته خلاص خسر كل حاجة.

وحول الأمور التي تُفقد الزوج الثقة في زوجته، اختتمت: صعب أوي أن الزوج يثق في الزوجة اللي تكذب عليه أو إنها تأخذ حاجة من وراه، أو تفتش في موبايله، أو تأخذ فلوس من محفظته، أي حاجة الزوج هيشك فيها ويتأكد منها بالطرق المشروعة من غير التجسس، والعكس النسبة لها برده.