ريهام سعيد تهين مروان يونس: ”يا خسارة النخوة والرجولة”
ردت الإعلامية ريهام سعيد، على الفنان مروان يونس، الذي علق على حلقتها عن البدينات والتي تسببت في إيقاف برنامجها، وذلك من خلال صورة نشرتها عبر حسابها الرسمي على موقع تبادل الصور والفيديوهات "انستجرام"، وطلب "يونس" منها أن تذيع الحلقة وهي في السجن.
وعلقت ريهام على الصورة وقالت: "أول مرة أشوف الخبر ده دلوقتي، بعيدًا عن أن في ناس ماتفرجتش على الحلقة ولاعرفت إني قعدت أعيد الكلام اللي اتقال في التقرير من الناس مرضى السمنة اللي فوق الـ200 كيلو، اللي كنت بعالجهم في نفس الحلقة بجراحات، حتى لو انا قلت كلمتين تقال عشان خايفة على الناس، أو حتى لو في ناس اعتبرت اني اسأت التعبير ده ايه ده".
وأكملت:" ده المفروض زميل؟ لا معلش ده المفروض راجل، واحد يتمني السجن لام لـ3 أولاد، أنت تعرف ايه هو السجن؟ والله ما قادره اصدق أخلاقك ولا تربيتك.. يا خسارة على النخوة والرجولة، هزر وضحك الناس يا أبو قلب أسود. حسبي الله ونعم الوكيل، الدنيا دوارة يا بهلوان، اللي بتتكلم عليها دي عملت حاجات وحلقات انت ماتعرفش تعمل ربعها".
وأنهت كلامها:" السجن ده للي زيك الي ملوش لازمة ووجوده زي عدمه، الإعلام اللي انت عايزه اللي كله تريقة علي الفساتين وعلي خلق الله يا هايف، إعلام ايه ،اش فهمك انت في الإعلام. ما هو الغلط مش عليك ، ما هي اتذكرت في القرآن ، الاية اتقلبت ".
وكان المجلس الأعلى لتنظيم الإعلام، أصدر قرارًا بمنع الإعلامية ريهام سعيد من الظهور على الشاشات والتلفزيون المصري لمدة عامًا كاملًا، بعد حلقتها التي أساءت فيها للبدينات وأصحاب الوزن الزائد.
كما هاجمها عدد من نجوم الفن أبرزهم الفنانة إنجي وجدان والفنانة زينة عبر حساباتهم على مواقع التواصل الإجتماعي.
ويذكر أن آخر أعمال الفنان مروان يونس مشاركته بفيلم "الفيل الأزرق2"، وهو بطولة الفنان كريم عبد العزيز، نيللي كريم، هند صبري التي انضمت في الجزء الثاني ، خالد الصاوي، إياد نصار وتأليف أحمد مراد واخراج مروان حامد.