هل يسير ”مصطفى أبو تورته” على خطى ”مصطفى كايا”؟
أصبح الطريق الأسرع والأسهل للشهرة هو السوشيال ميديا، عن طريق تأليف سيناريو لقصة عاطفية بين طرفين وانتهاء العلاقة بموقف ساخر، كعلاقة كايا وسارة سابقا، والان انتشرت قصة علاقة نهال ومصطفى الشهير "أبوتورتة.
ترجع أحداث قصة سارة وكايا حين نشرت فتاة تدعى "سارة" فيديو صرحت فيه عن علاقة تربطها بشاب يدعى كايا، ثم رد عليها كايا في فيديو تحدث فيه بطريقة "كوميدية" وكأنها طبيعته ليكسب عددا من المتابعين، وأكد صحة كلامها، وأصبح كلا من كايا وسارة ترندا لشهور عدة وزاد عدد ماتبعي كايا لمئات الاف ثم خرج بفيديو اخر وقصة جديدة ليحكي عن انفصاله عن سارة وحزنه الشديد لخطبتها بتاجر "ألمنيوم"، وكسب تعاطف الجمهور من متابعين وفنانين واعلامين، وجاءت عدة عروض من اعلانات ودراما لمصطفى كايا.
وثم تأتي الصاعقة للجمهور بعد تصريح كايا من خلال لقاء تلفزيوني له عبر فضائية النهار، بأن كل ماحدث هو تمثيل وأنه ليس كايا بل "مصطفى" طالب بكلية الهندسة، وأرجع سبب كذبته تلك لهوسه بالتمثيل.
وتتكرر الواقعة حاليا بطريقة مشابهة، حين نشرت إحدى الفتيات، على موقع التواصل الاجتماعي "فيس بوك"، منشور قالت فيه: انا كان مقرى فتحتى زى ما كله عارف على مصطفى وخطوبتى كانت يوم السبت ال فات مفروض هههه".
وواصلت الفتاة: "كان بينا مشاكل زى اى اتنين عاديين مع مامته بقى و خلافات بتحصل اول ما اطلب حاجة و قولت دا عادى بيحصل بس الى متخيلتش انه يحصل انه يسبينى فى القاعه لوحدى، اتفاجئت انه مش عازم صحابه ولا قاريبه كلهم وحسيت ف حاجة غلط حتى مامته واخته مفيش وحده فيهم جت بركتلى وقولت امشى اليوم".
وتابعت: "كل ما اقوله فين الشبكه اللي حنلبسها يقولى اصل اتكب عليها شربات اصل وقع جاتوه عليها ..طب خليها بعد البوفيه وكلام كله غريب كدا لحد ما دخلنا بعد البوفيه لقيت اهله كلهم مشيوااا و قال ايه خالوا تعب ! ف يقوم اهله كلهم يمشوا ،ونا ف القاعه لوحدى بدور عليه الاقيه بيصرخ برا و يقول خالى عيان و بيطلم وحاجات غريبه كدا ونا اقسم بالله ما مستوعبه الى بيحصل هو ف واحد خاله عياااان عليته كلها بتمشى ! الستات اختفو بس كانو بيهزروا فوق نسوا العيان".
وأضافت "نهال": "والانيل اننا اكتشفنا انهم اخدوا التورت معاهم طب مش خالك عيان ...اخدتوا التورت معاكم و ملبسنيش شبكه ..و قبل كل دا بايام جالى البيت و اخد التوينز بتاعت قراية الفاتحة بحجه انه عايز يلبسنى كله مرة واحده ف القاعه ونا هبله وافقت ! مجاش ف بالى للحظه واحده انه حيعمل فيا كدا".
ولم ينكر مصطفى الواقعة ولم يدافع عن نفسه حتى أنه لم ينكر حادثة أخذ التورتة لحفظ ماء الوجه.
فهل مايحدث مع نهال ومصطفى أبوتورته، مجرد لعبة ليصبحوا من مشاهير السوشيال ميديا، أم للموضوع كواليس أخرى.