بعد قرار منع المهرجانات.. المدفعجية: ”مش هنبطل”.. وهاشتاج: ”هنغني ياهاني” يتصدر تويتر
حالة من الجدل الشديد شهدتها مواقع التواصل الإجتماعي، بعد قرار نقابة المهن الموسيقية بمنع التعامل مع مطربي المهرجانات وعدم السماح لهم بالغناء.
وما بين الهجوم والاتفاق مع القرار والذي كان الجزء الأكبر ضده، تصدر هاشتاجا جديدا بعنوان: "هنغني ياهاني" موقع التواصل الإجتماعي "تويتر"، وذلك بعد نجاح هاشتاج "هاني شاكر ضد الشباب".
وفي سياق متصل، هاجمت فرقة المهرجانات "المدفعجية" نقيب المهن الموسيقية، بعد القرار الذي اتخذه بوقف التعامل مع من يطلق عليهم مطربي مهرجانات، وذلك خلال منشور عبر صفحة الفرقة على "فيس بوك".
وجاء في المنشور: "إحنا المدفعجية، من ساعة ما بدأنا وإحنا بنطور في المزيكا، لفينا مصر بيها ولفينا العالم بيها وفرحنا الناس في أفراحهم وحفلاتهم حتي اللي بيسمعنا في العربية، إحنا وغيرنا بيفرحوا ويتبسطوا، عمرنا مازعلنا حد وهنكمل بيكو وليكو ولسه عندنا كتير".
وأضافت الفرقة: "ناس كتير طلعت اتكلمت وهاجمت وقالوا علينا اللي مش فينا وشتموا فينا احنا كلنا متعلمين وجامعين وأهلنا ربونا على الاحترام والتقدير والأصول إحنا ضد أي حد يقول كلمة غلط في المهرجان".
وتابعت فرقة المدفعجية: "مثلا لو حد قتل احبسوا هو وعائلته وصحابه؟ التعميم غلط مش صح واحنا كمدفعجية مكملين ومش هنوقف غنا احنا ورانا شعب مش جمهور وهنكمل بيكو وعشانكوا وكل حد فرحناه عارف الكلام ده كويس المهرجان اكبر قاعده جماهيرية في مصر وعمر ما هيموت.. شكرا لجمهورنا اللي بيساندنا ودايما في ضهرنا وشكرا ليكوا أنكم دايما في ضهرنا وانتوا السبب في شهرتنا ووجودنا وبيكو مكملين".
