منهم صلاح عبدالله وروجينا.. أبرز تعليقات نجوم الفن لفريدة سيف النصر بعد مرضها

حرص عدد كبير من نجوم الفن على تمني الشفاء للفنانة فريدة سيف النصر بعد إعلانها إصابتها بتورم في وجهها.

وكانت فريدة سيف النصر نشرت صورة لها عبر صفحتها الرسمية بموقع التواصل الاجتماعي "فيسبوك"، صورة لها و يظهر من خلالها تورم شديد في الوجه.

وتلقت العديد من التعليقات، ومنهم أصدقائها الفنانين، حيث علق لها الفنان صلاح عبد الله: " مليون سلامة يا فيري وبإذن الرحمن يوم بالكتير وهتبقي زي الفل يا كريم يا رحيم نسألك يا صاحب الجلالة الشفاء التام والعاجل لحبيبتك فريدة سيف النصر".

وكتب لها الفنان إدوارد من خلال خاصية "التعليقات": "سلمتك الف سلامه عليكي"، بينما علقت لها روجينا: "الف سلامة عليكي يا حبيبتي ربنا يشفيكي ويعافيكي الحمد لله قدر الله وماشاء فعل".

وكانت فريدة سيف النصر كتبت على صورتها: "ممكن تدعوا لي من قلبكم.. بجد أول مرة أبكي زى الأطفال.. أنا أصلًا بتحمل لكن مش قادرة".

وأضافت: "ده مش ماكياج ده وشي بدون سابق إنذار صحيت بصوت نص الليل ودي رابع مرة يحصل لي حاجة غريبة في وشي وأكون بشتغل.. يعني مش وقته.. استغفر الله.. أحسن من غيرنا سامحني والنبي اللهم لا اعتراض".

اقرأ أيضًا: ”ببكي زي الأطفال”.. فريدة سيف النصر تصدم جمهورها (صورة)

وتابعت كلامها: "عاملة زي الكورة الكفر عينيا مقفولة وبوءي مدلدل حتى حواجبي وارمه.. يخرب بيت كده أنا اديتكم نص الوش علشان حقيقي مش أنا.. رعب والله تغيير سريع سبحان الله والحمد لله.. مش هزار.. تحت أسنان سليمة 4 خراريج إزاى مش عارفين".

واختتمت كلامها: "قدر الله وما شاء فعل.. حاضر حبيبي يا ربنا كل اللي تجيبه راضيه والحمد لله هو ما بيجيبش حاجة وحشة أبدًا قضا أخف من قضا لو هافدي الغاليين كلهم أنا جاهزة.. ادعوا لي.. آسفة عالصورة بس أنتم حبايبي وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشه ملوثة.. الآذان سلام بقى".