”ببكي زي الأطفال”.. فريدة سيف النصر تصدم جمهورها (صورة)

فاجأت الفنانة فريدة سيف النصر، جمهورها بإصابتها بورم في الوجه، حيث نشرت صورة لها تبدو فيها بشكل صادم وطالبت الدعاء لها.

وكتبت "فريدة" عبر حسابها الخاص بموقع "فيس بوك": "ممكن تدعوا لي من قلبكم بجد أول مرة أبكي زي الأطفال أنا أصلا باتحمل لكن مش قادرة.. ده مش ماكياج ده وشي بدون سابق إنذار صحيت باصوت نص الليل ودي رابع مرة يحصل لي حاجة غريبة في وشي وأكون باشتغل يعني مش وقته أستغفر الله أحسن من غيرنا سامحني والنبي اللهم لا اعتراض".

وأضافت فريدة: "عاملة زي الكورة الكفر عينيه مقفولة وبوقي مدلدل حتى حواجبي وارمه يخرب بيت كده أنا اديتكم نص الوش علشان حقيقي مش أنا رعب والله تغيير سريع سبحان الله والحمدلله مش هزار تحت أسنان سليمه 4 خراريج إزاي مش عارفين".

وتابعت فريدة: "عملنا بانوراما كاملة والدكتور مستني الالتهاب يروح والورم بحقن الفنتيرن قويه واوجمنتين وبعدين يقرر في ايه؟ هو نفسه بيسأل في إيه؟ هو أنا اللي هاعرف يادكتوووووور.. وطبعا الفليكتور منيمني على روحي لأن الألم الحمد لله مايتحملوش إلا حد مستسلم لإرادة ربنا ويشكره.. المشكلة الشغل ومافيش وقت لا حول ولا قوة إلا بالله.. لا زم يصوروا من غيري وأناوافقت هاعمل ايه؟؟".

واختتمت كلامها: "قدر الله وماشاء فعل حاضر حبيبي يا ربنا كل اللي تجيبه راضيه والحمدلله هو مابيجيبش حاجة وحشة أبدا قضا أخف من قضا لو هافدي الغاليين كلهم أنا جاهزة..أدعوا لي..أسفه عالصورة بس أنتم حبايبي وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشة ملوثة.. الأذان سلام بقي".

اقرأ أيضًا: الموت يفجع المايسترو هاني فرحات

يذكر أن آخر أعمال فريدة سيف النصر مشاركتها في مسلسل "الأب الروحي" تأليف هانى سرحان وإخراج بيترميمي.