عاجل/ أول رد من الدكتور محمد علام نائب مدير مستشفى النجيلة حول إحالته للتحقيق

الدكتور محمد علام نائب مدير مستشفى النجيلة، هو أحد قادة الجيش الأبيض المصري، الذي أخذ على عاتقه مواجهة فيروس كورونا داخل أول مستشفى خصص للعزل الصحي للمصابين.

الدكتور علام أصيب بفيروس كورونا مؤخرا خلال مهمته البطولية لمواجهة الوباء، إلا أن الإعلان عن إصابته أثار الجدل وطالته اتهامات لإخفاء حقيقة مرضه ليخرج الدكتور محمد علام ويرد على الجميع. 

وقال الدكتور محمد علام، عبر صفحته الخاصة بفيسبوك "معلش أنا لازم أرد على الحتة دى ويا ريت أى حد يشوف تعليق أو كلام لاى حد فيها يحط لينك ردى علشان مش طالبة استغلال لحاجة عادية وبتحصل فى كل العالم وأنا عارف انى معرض لكده من أول يوم".

وتابع علام " أنا محدش طلب منى انى معلنش إنى مصاب أنا اللى طلبت من أول لحظة وأعلنت لما عديت المرحلة الصعبة وبقيت كويس ومحدش عاتبنى أو قالى ليه أعلنت ده حقى ومحدش نهائى اتكلم معايا فيه أو جادلنى فيه وليهم كل الشكر والتقدير فى دعمى فى القرارات دى".

وتابع نائب مدير مستشفى النجيلة "أنا مطلبتش اثبات انى مصاب، معرفش الناس جابت الكلام ده منين".

وأوضح علام "أنا متحولتش للتحقيق ومش فاهم بردوا الناس جابت الكلام ده منين، يا ريت أى كلمة مطلعتش على لسانى متصدقوهاش ومحدش يستغل الخبر علشان ده مش وقته ولا وقت اختلافات خالص كلنا فى مركب واحد فبلاش نزايد على بعض وبلاش نطلع اشاعات".

ووجه علام الشكر للمواطنين الذين ساندوه في الأزمة قائلا" ناس كتير كتبت كلام حلو والله أنا متفاجئ من رد الفعل ده وأثر فيا جدا لدرجة البكاء ربنا يكرمكم".

 واختتم "بس كلمة بطل كبيرة عليا شوية ومستحقهاش، البطل هو اللي ضحى بحياته عشان يؤدي مهمته البطل هو كل طبيب ومعرض يواجه الموت كل لحظة".