بسبب نهاية مسلسل الفتوة.. فريدة سيف النصر تعتذر لجمهورها
وجهت الفنانة فريدة سيف النصر اعتذارا لجمهورها ومتابعيها بسبب نهاية مسلسل الفتوة، ويأتي ذلك خاصةً بعد الانتقادات التي تعرضت لها عبر مواقع التواصل الاجتماعي.
وكتبت فريدة سيف النصر عبر صفحتها الشخصية بموقع التواصل الاجتماعي "فيسبوك"، أنها لم تكن على دراية بهذه النهاية، وأنها قدمت دورها كشخصية مخلصة وأمينة طيلة الحلقات السابقة قبل أن يقرر المؤلف تغيير نهاية العمل.
وتابعت خلال كلامها: "مقدرش على زعل جمهوري، يا جماعة يا اللي حبيتم الفتوة العمل العظيم وحبيتم شخصياته وحسن الجبالي حبيبي".
وأضافت: "وحبيتم حاج أحمد رغم إنه ضيف.. وبتلوموني ما تزعلوش وتقلبوا أنا والله ما أعرف ازاي طلعت خاينة أنا المفروض جدعة معاه ومش عايزه أتكلم هو أنتم شفتوني ولا كلام".
وأكملت قائلة: "ما أنا مش موجودة بقى طيب واجهوني بيهم وبالرجالة وعزمي، ليه كده يا هاني سرحان، أنا حبيبتك من أول عمل لك الأب الروحي ده أنا والمنباوي كنا بنكلم نفسنا من اللي عملته في الحاج أحمد كمان بتقلب الناس عليا من حبهم لحسن ما أنت دراكولا الدراما مش أنا اللي سميتك كده".
اقرأ أيضًا: رسائل الفتوة والبرنس في الحلقة الأخيرة.. ياسر جلال يوصي بالرضا والحب ومحمد رمضان ينصح بالثأر
واختتمت: "ياجماعه هو هاني كده يصعب عليه حد يفضل محبوب في شخصياته أو عايش ده أسلوب حياة، يعني تكلمني تصالحني وبعدها تروح تطلعها ندلة هاه هاتدافع عني بعمايلك دي ولا أتكلم أنا.. هو كل حاجة من ورايا كده قفايا ورم يا ابني".
