”وحشتني يا عشرتي”.. عمرو راضي يبكي في فيديو جديد ويطالب بالدعاء لمصطفى حفناوي
شارك اليوتيوبر عمرو راضي جمهوره، بمقطع فيديو جديد له، اليوم، وذلك بسبب تعاطف العديد معه بعد تعرضه لوعكة صحية، وانتشرت صورة له وهو يحمل أشعة، ويسير على عكاز، بعدما توفى صديقه اليوتيوبر مصطفى حفناوى.
ونشر عمرو راضي، الفيديو عبر حسابه الشخصي بموقع تبادل الصور والفيديوهات الشهير إنستجرام، وقال خلاله: "أنا طالع أطمن الناس عليا، أنا كويس، شكر الله سعيكم جميعا .. وماتشوفوش وحش فى عزيز ولا غالى .. الموضوع صعب عليا .. ماكنتش عاوز أظهر بالشكل ده.. بس الناس اللى بتضغط عليا وتليفونات ورسايل كتيرة .. الموضوع مش سهل".
ولم يتمالك راضي دموعه خاصة أنه ظهر وخلفه صورة له مع اليوتيوبر الراحل صديقه مصطفى حفناوي، الذي تحدث عنه مؤكدا أنه يعيش شعورا صعبا لفراقه.
وأضاف: "ربنا يرحم مصطفى.. انا تمام وكويس.. انا تعبان شوية بس حالتى مش خطر .. عندى ديسك فى ضهرى علشان كده ماسك العكاز .. انا بشكر كل الناس .. كل الكلام اللى اتقال عنى على راسى من فوق .. خلى بالكوا من نفسكوا .. وكل اللى طالبه أنكوا تدعوا لمصطفى .. ماكنتش متخيل أنى فى يوم من الأيام أطلع وأقول كده.. وديه سنة الحياة"
وعلق عمرو راضي على الفيديو: "مافيش حاجه ممكن توجع قلبي وتاخد روحي .. زي حزني عليك مع السلامه يا حبيبي، بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش".
اقرأ أيضا.. تعرف على موعد طرح كليب ”اختراع” لـ تامر حسني ومحمود العسيلي
وتابع: "مكانك جمبي ف العربيه .. كرسيك قدامي ف القهوه.. .. الاكل اللي بنروحله .. الرغي قبل م بننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك .. حقيقة ان جسمك فارقني الهروب منها صعب .. بس المستحيل الوحيد ان روحك تفارقني لحظه ..اتعودت عليك وعلى يومي معاك ف سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه ف سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي.. وحشتني يا عشرتي وونسي".
