محمد الدماطي: تواجدي في قائمة الخطيب ينجحني وأنا قاعد في البيت

أكد محمد الدماطي، عضو مجلس إدارة النادي الأهلي على أن تواجده في قائمة محمود الخطيب في انتخابات مجلس الإدارة الأهلي الأخيرة كفيل إنه ينجحه دون أي مجهود.

وقال الدماطي خلال ظهوره عبر قناة "أون تايم سبورتس":" أنا دخلت النادي الأهلي عام 2010 في لجنة تنمية الموارد بترشيح من الكابتن الخطيب، نائب رئيس الأهلي وقتها".

وأضاف:" بعد 2012 بعدت شوية وخدت جنب كده، وبعدين رجعت في انتخابات مجلس الإدارة الأخيرة مع الخطيب ونجحنا كقائمة".

وتابع:" جالي تليفون من محمد الجارحي، وقالي أنت اسمك مطروح تدخل انتخابات الأهلي المقبلة، وبعدين نزلت فروع النادي، وبدأت أشوف إيه اللي ممكن نعمله ونقدمه للنادي".

واستطرد:" وبعدين كلمت الكابتن الخطيب، وروحت قابلته في بيته وعرضت عليه خطتي، وقالي مفيش وعود، وساعتها سألني على سني وقلتله عليه، وبدأنا نعمل اجتماعات، وجه يوم 23 سبتمبر يوم عيد ميلادي، وقلتله بأرفع عنك الحرج إني ما أتاخدش فوق السن إني كملت 35 سنة".

وأكمل:" الخطيب اتصل بي قبل الانتخابات، وقالي جهز أوراقك أنت معايه في انتخابات مجلس الإدارة".

وتابع:" أنا علاقاتي في الأول في النادي مكنتش قوية، أنا كنت من أكتر الناس إللي موتت نفسها في شهرين الدعاية قبل الانتخابات".

وأشار:" أنا لو مكنتش عملت المجهود إللي عملته وأنا نازل في قائمة الخطيب كنت نجحت بردو حتى لو أنا قاعد في البيت، على الرغم من قوة الانتخابات الأخيرة مع المهندس محمود طاهر".

واستطرد:" هوية النادي الأهلي وخصوصيته بتفرق عن أي نادي آخر، لما يكون في شخص أعطى الأهلي، وقدم له الكثير وهو لاعب، تجد هناك ترحيب لأن يكون متواجد في مناصب أخرى في المستقبل".

واختتم:" الأهلي ميزته إنه بيكمل بناء السابقين، وده حصل بعد تولي الخطيب رئاسة النادي الأهلي، إنه كمل ما بناه المهندس محمود طاهر".