بعد تكريمه من الرئيس.. أحمد الرافعي لـ”الطريق”: كده اتعشت
أعرب الفنان أحمد الرافعي الذي جسد شخصية التكفيري عمر الرفاعي سرور، منظر جماعتي "أنصار بيت المقدس" و"المرابطون" في مسلسل "الاختيار"، عن سعادته الشديدة بتكريم الرئيس السيسي له عن دوره في مسلسل "الاختيار"، وذلك خلال فعاليات الندوة التثقيفية الـ32 للقوات المسلحة في ظل الاحتفالات بذكرى انتصارات أكتوبر المجيدة.
وقال الرافعي في تصريح خاص لـ "الطريق": تكريمي من الرئيس السيسي فاق سقف توقعاتي، الفنان بيكون مبسوط من تكريم لجنة تحكيم أو مهرجان مهم أو وزيرة الثقافة أو رئيس الوزارة فما بالك لما يكون رئيس الجمهورية يكرمه ويشيد بأدائه أقول ايه خلاص اتعشت وجبرت".
وعن إحساسه بالوقوف أمام السيسي قال: "والله ما قلته خلال التكريم كان من قلبي إحساس شديد بالمحبة حاسس بجبران خاطر وعزة، يعني لما نزلت من بيتنا اشتغل المسلسل مكنتش أعرف إن في آخر الطريق الرئيس هيكرمني، وخلال التكريم شعرت بأشياء كتير إيجابية ومنورة وجميلة مكنش في حاجة معينة كل اللي أترتب في دماغني اتلغبط".
أضاف: "أنا كنت من أول يوم بصور كنت مستبشر إن التكريم ده هيتم وهيحصل ويمكن دار الحوار بيني وبين زوجتي، وصديق لي كلمني قالي مبسوط إنك اتمنيتها الحمد لله رب العالمين، لأني كنت بحسد زملائي اللي اتكرموا في فيلم "الممر" قلت يارب يطلع حاجة زي الممر والريس يكرمنا إن شاء الله يحصل وحصل".
وعن تجربته في "الاختيار"، قال الرافعي "أقدر أوصفها إنها تجربة لو مفيش غيرها وربنا شاء أنه يتوفاني دلوقتي ميبقاش في تاريخي غير الاختيار فده يكفيني لأنه بألف عمل".
تابع بسخرية: "أنا مكنتش عارفني قبل "الاختيار"، وأمي نفسها مكنتش تعرفني ولما تكون أولى خطوات تكريمي من رئيس الجمهورية عن عمل يستحق أمام كل الرجال العظام، وأتمنى إن آخر الطريق التكريم يكون أمام الرئيس".
اقرأ أيضًا: أحمد العوضي خلال تكريمه أمام السيسي عن دوره في ”الاختيار”: ”عشت في صراع نفسي”
وقال أحمد الرافعي خلال تكريمه أما الرئيس: "آخر عبارة قالها الرافعي لهشام عشماوي في المسلسل "وسيعلم الذين ظلموا أي منقلب ينقلبون"، كل ما هتكرر ملحمة "الاختيار" كل ما اللي ضل ضلال عمر رفاعي سرور وكل اللي شغلوه هيعرفوا إلى أي منقلب ينقلبون".
وتابع موجهًا الشكر للرئيس السيسي: أحمد الرافعي مش هيفوت الفرصة علشان يقولك انه بيحبكم".
