أحمد فتحي يوجه رسالة مؤثرة لجماهير الأهلي قبل رحيله إلى بيراميدز

حرص أحمد فتحي، لاعب النادي الأهلي السابق، ونادي بيراميدز الحالي، على توجيه رسالة وداع مؤثرة لجماهير النادي الأهلي، قبل رحيله بشكل رسمي إلى النادي السماوي، وبعد الإعلان رسميًا عن موعد المؤتمر الصحفي لتقديمه.

وكتب فتحي عبر صفحته الشخصية على موقع التواصل الاجتماعي "فيسبوك": "لحظات يصعب فيها الكلام.. لحظات يصعب فيها التعبير.. خاصة وأنت بتخاطب أطراف كلها عزيزة عليك، ولها مكانة خاصة فى قلبك".

وأضاف: "وكمان عشت معاهم أحلى 12 سنة فى حياتى، 12 سنة كلها إنتصارات وبطولات وأفراح.. وعايز أقول لو عقود الأحتراف المكتوبة بتنتهى.. عقود الحب والود والإحترام بينى وبين كل منظومة النادى الأهلى لن تنتهى".

النادي الأهلي بيتي وجمهوره هيفضل سندي

وتابع: "أعذرونى لحظات قاسية وأى قسوة وأنت تغادر حبايبك اللى قضيت معاهم سنين فى النادي الأهلى، بيتى وهيفضل بيتى، حتى لو كان القدر كتب لى خطوة جديدة.. وهيفضل جمهور الأهلي اللى حبنى وساعدني ووقف جنبى هيفضل سندى".

وواصل: "لأنه جمهور وفى، جمهور أصيل.. ربنا يشهد إنني لم أقصر لحظة لا فى حق النادى ولا حق جمهوره.. وبذلت أقصى ما أملك حتى آخر لحظة، وأتمنى أكون قدمت ولو جزء من اللى يستحقه الأهلى وجمهوره".

وأردف الجوكر: "فى هذه اللحظه الصعبة على نفسي، عايز أسجل شكري للنادي الأهلي وإدارته وعلى رأسها المحترم الكابتن محمود الخطيب.. وكل الشكر للجماهير اللي مهما تكلمت مش هقدر أعطيها حقها".

اقرأ أيضًا: مرتضى منصور بعد اتهامه بتوزيع رشاوى انتخابية: ”هحاسب اللي جوه وبره”

وأكمل: "شكرًا لكل المدربين اللى ساعدوني من أول يوم وحتى أخر لحظة.. والشكر لكل زمايلي اللعيبة، اللى أنا لعبت معاهم على مدار كل الأجيال.. شكرًا لأخواتي الأطباء ومساعدينهم أخصائيين التأهيل والمدلكين.. شكرًا للإداريين والعمال.. شكرًا لكل فرد ساعدنى ولو بأى حاجة.

واختتم: "أنا مش عايز حد يزعل منى.. فى الأول والآخر دى خطوات كتبها ربنا سبحانه وتعالى.. وأنا متوكل على الله فى كل خطواتي.. ودايمآ هيفضل الأهلي وجمهوره فى قلبى".