”أهلي كانوا رافضين”.. سميحة أيوب تكشف كواليس زواجها من محسن سرحان
حلت الفنانة سميحة أيوب، ضيفة على الإعلامي محمود سعد ببرنامجه "باب الخلق" المذاع عبر شاشة قناة "النهار"، وكشفت بعض أسرار حياتها الزوجية.
وقالت "أيوب"، إن زواجها من الراحل محسن سرحان، لم يكن ناجحًا على الإطلاق، وذلك بسبب غيرته الشديدة عليها بطريقة غير طبيعية منذ بداية علاقتهما.
وتابعت سميحة أيوب خلال لقائها ببرنامج "باب الخلق": "كنت معاه في فيلم وكنت عامله دور أخته الصغيرة، والبنات كانوا هيموتوا عليه وكنت قاعدة في ركن لوحدي.. قالي انتي مسترجلة وهتبقي زي أمينة رزق.. وكنت وقتها قرفانة منه، لحد ماتعبت وجه يزورني مع فريق الفيلم، وبعدها بفترة قالي تتجوزيني؟”.
وعن طلبها للزواج في البداية قالت: "أهلي كانوا رافضين عشان فرق السن.. أنا مكنتش حاسة بده بس هو كان حاسس وبعد الجواز كان فيه غيرة مش طبيعية".
وتابعت كلامها: "ده ليلة الفرح راح يجيب حاجات من جروبي وحبسني في البيت وقفل عليا الأوضة والمعازيم بره.. وأمي كانت حاسة من يومها وقالتلي ده مينفعكيش".
اقرأ أيضًا: أحمد سعد يسخر من هزيمة الزمالك: متهزروش معاهم عشان نفسيتهم ”قفشة”
ومن ناحية أخرى، كانت آخر أعمال سميحة أيوب مسلسل "سكر زيادة" والذي يجمع الفنانة نبيلة عبيد، ونادية الجندي، لأول مرة معًا بالدراما المصرية برفقة كلا من: هالة فاخر ومجموعة كبيرة من ضيوف الشرف منهم: لقاء الخميسي وحمدي الميرغني وصبري فواز واحمد السقا وبيومي فؤاد.
