أول رد من ريهام سعيد بعد الهجوم عليها: مبسوطة (فيديو)
بعد الهجوم عليها والحملات التي طالبت بوقف برنامجها، بعد حلقتها الثانية من برنامجها "صبايا الخير"، ردت الإعلامية ريهام سعيد، على الهجوم الموجه لها على مدار الساعات الماضية بعد حلقتها أمس عن صيد الحيوانات.
وقالت ريهام سعيد في فيديو لها عبر حسابها الخاص بموقع التواصل الاجتماعي "فيسبوك"، فوجئت الصبح بالضجة اللي حصلت بسبب حلقة أمس، ومعظم اللي بيتكلم ماتفرجش على الحلقة".
وأضافت :"بعتذر لو في حاجة أزعجتكوا بس إحنا حبينا نركز على مهنة صيد الحيونات وأنها بستخدم في مراكز الجامعات والبحوث لانهم بياخدوا منها أجسام مضادة وهي دي الطريقة اللي بيصطادوا بيها، وكنت بغطي رحلة صيد، وواضح إني كنت خايفة ودورت وشي لإني مكنتش قادرة اشوفهم وهما بيمسكوا رجله، وسألت على الطريقة الصحيحة اللي بيتشال منها قالولي زي القطة".
تابعت: "مش محتاجين نعمل حاجة علشان المشاهدة احنا جيبنا مشاهدات عالية جدا، وأنا مبسوطة إن البرامج سلط الضوء على طريقة الصيادين اللي الإعلام لم يتطرق لها من قبل ولفتت نظر الجمهور إنها طريقة صيد غير مقبولة".
واستكملت ريهام سعيد: "مستغربة إن مفيش حد جاب سيرة الصيادين والصيد خالص، وبتحسبوني على طريقة صيد من نصف قرن محدش خد باله منها الا عن طريقي، رجاءماتتبعوشالناس اللي عاوزة توقف البرنامج لأغراض شخصية".
اقرأ أيضًا: هاشتاج ”عديمة الرحمة” يطالب بوقفها.. ريهام سعيد في مرمى النيران بسبب الحيوانات و”النهار” تعتذر
واعتذرت صباح اليوم، شبكة تليفزيون النهار للجمهور عن حلقة أمس من برنامج "صبايا الخير"، مشيرة إلى الحلقة تم رفعها من جميع منصاتها، مؤكدة أن هدف الحلقة تسليط الضوء على نشاط الحيوانات في مصر وتصديرها للخارج.
