ريهام سعيد تعتذر عن حلقة الثعالب: ”أخدنا التعلب أكلناه وشربناه وسيبناه تاني”

ظهرت الإعلامية ريهام سعيد، مساء اليوم الاثنين، في برنامجها "صبايا الخير" على شاشة "النهار"، وذلك في أعقاب أزمة حلقة الثعالب، التي تعرّضت للإيقاف على إثرها.

وقالت ريهام في مستهل حلقتها: "أنا مش راجعة بعد سنة علشان أعمل مشاكل، ولا أقصد أعمل مشاكل ولا أقدم حاجة مستفزة.. نيتي دايمًا إني أقدم كل ما هو ممتع ومفيد في نفس الوقت".

اقرأ أيضًا: صبري عبد المنعم يُعلّق على أنباء إصابته بـ”العمى”.. فيديو

وأضافت: "أقدم اعتذاري لأي حد سببته أي ضيق، وبخاصةً جمعية الرفق بالحيوان، وكانت غلطتي اللي وقعت فيها هو إني موضوع الصيد بيضايق الجمعية دي".

وتابعت: "أعتذر لأي حد تضايق من الحلقة، لإني ده معناه إني مش عملت اللي عليا.. وأنا لا أقدم اعتذاري علشان البرنامج يكمل، لكن أنا من تاني يوم خرجت على صفحاتي الشخصية واعتذرت لإني حسيت إن فيه ناس تضايقت".

واستطردت: "أنا باعتذر للناس اللي سبّبت لهم ضيق بشكل جاد، لإن كان فيه ناس تانية ليها أغراض أخرى".

اقرأ أيضًا: بعد ”ترقيصة عمّار”.. وصلة سخرية من تامر أمين ضد عبد الله السعيد ورمضان صبحي

ووجّهت ريهام الشكر للمجلس الأعلى للإعلام بقيادة كرم جبر، وقالت: "أنا استفادت من التحقيق اللي حصل، لإن التحقيق ده كان بمثابة توجيه علشان أتعلم، والناس تأكّدت إن نيتي سليمة".

وأكملت: "عمر ما بيكون الهدف من الحلقة هو كسب مشاهدة لإننا شغالين من فترة طويلة وعدينا المرحلة دي.. الحلقة كانت عن الصيد، وفيه فيديوهات لم تعرض من الأساس، إحنا أخدنا الثعلب أكلناه وشربناه وشيلنا الحشرات منه وسيبناه تاني، والفيديو موجود من تاني يوم الحلقة".