تعليق ناري من حازم إمام على ”خناقته” مع باتشيكو وغيابه عن المباريات
علق حازم إمام ظهير أيمن الفريق الأول لكرة القدم بنادي الزمالك، على أنباء استبعاده من المشاركة في المباريات بسبب "خناقته" مع البرتغالي جايمي باتشيكو المدير الفني السابق للأبيض.
وغاب حازم إمام عن المشاركة مع الزمالك، منذ مواجهة مولودية الجزائر في الجولة الأولى من دوري أبطال إفريقيا، حيث اعتمد باتشيكو على حمزة المثلوثي في قيادة الجبهة اليمنى.
وكتب حازم إمام عبر حسابه الرسمي على موقع تبادل الصور والفيديوهات "انستجرام": "أنا عارف إنه مش وقته خالص، بس الأشكال ديه لازم أرد عليها عشان لو مافيش حد بيرد عليهم الكلام بيزيد بطريقة غريبة".
وتابع: "أنت قولت إني رميت التيشرت علي مستر باتشيكو عشان كده مش بشارك، والإعلام الزملكاوي مش بتسأل طيب ما تخليك راجل وأنا عارف إنه مش طبعك، واسأل أنت أو أكيد مستر باتشيكو موجود في مصر لسه مسافرش وأسأله حازم عمل أي مشكلة في الفريق مع أي حد مش معاك شخصيا وشوف الرد".
وواصل: "وليه إدارة النادي يا سابق عصرك معملتش أي عقوبة عليا لو حصل مشكلة، بس ياريت لما تسأل وتعرف تيجي تعتذر وتبقي راجل مش كعادتك يعني".
اقرأ أيضًا: ”مش وقت قلة أدب”.. خالد الغندور يثير الجدل بسبب عودة كارتيرون للزمالك
واختتم حازم إمام: "ياريت كابتن أشرف قاسم يبقي يرد علي أشكالك، وأنا عارف إنه مشغول طبعا بأمور أهم من إنه يرد علي تفاهاتك، ولكن عشان الناس تعرف إنك كداب ولازم سيرة النادي تتجاب بطريقة وحشه وأن الدنيا كلها مشاكل عندنا".
