”حيلة صورة البطاقة”.. تفاصيل اختطاف طفل من مستشفى أبو الريش

كشف مجدي رجب، عم الطفل محمد حمادة الذي تم اختطافه من مستشفى أبو الريش للأطفال تفاصيل الواقعة.

وقال خلال مداخلة هاتفية مع برنامج "صالة التحرير" على شاشة "صدى البلد"، مساء الأربعاء: "المتهمة أخدت الطفل من أمه وطلعت به الدور الثاني علشان تحطه على جهاز الأكسجين.. المستشفى منعت دخول أي حد مع الطفل غير والدته يبقى الست دي دخلت المستشفى إزاي".

اقرأ أيضًا: بعد عودته لأمه.. أول صورة للطفل المخطوف من مستشفى أبو الريش

وأضاف: "المتهمة كانت ترتدي بالطو الدكاترة، وكان لسه قدام الطفل 200 حالة قبله، فالست دي أخدت الطفل وقالت علشان أعمله جلسة أكسجين، ودخلوا بالفعل الغرفة".

وتابع: "المتهمة طلبت من والدة الولد إنها تنزل تصور البطاقة على ما تخلص جلسة الأكسجين، بعد كده الست أخدت الولد ونزلت من باب الجراج".

اقرأ أيضًا: ”روحي خلصي الورق وتعالي”.. سيدة تتنكر في زي ممرضة لخطف رضيع بمستشفى أبو الريش

وأكمل: "الواقعة تمت مراجعتها من خلال كاميرات المستشفى.. الست ركبت توك توك وبعد كده تاكسي، والموضوع بعد كده اتنقل للشرطة".

وأوضح: "فضلنا 3 أيام على الرصيف والظباط كانوا معانا طول الوقت وكانوا بيطمنونا وقالوا مش هنروح بيوتنا غير الطفل يرجع".

واستطرد: "عرفنا من ضباط قسم السيدة زينب إنه تم القبض على المتهمة.. الله أكبر عليهم رجعوا الطفل في خلال 72 ساعة".

واختتم: "الطفل متواجد في النيابة لحين صدور قرار النيابة وانتهاء التحقيقات، والأم عرفت شكل المتهمة لانها اتكلمت معاها، وحالة الطفل كويسة ومستقرة".