أقوال المذيعة المتهمة بقتل زوج شقيقتها بالسيدة زينب 

قالت المذيعة رانيا صفوت، خلال تحقيقات النيابة العامة معها، والمتهمة بقتل زوج شقيقتها بسلاح أبيض "سكين" بعدة طعنات في الفخذ، بمنطقة السيدة زينب، خلال الأيام الأولى من شهر رمضان، إثر نشوب مشاجرة بينهم: "مكنتش نيتى قتله، كنا بنتخانق بصوت عالى، معرفش ازي جبت السكينة وضربته بيها، محستش بنفسى بعد ما عرفت أنه فتن على مكان جوزى للناس للدائنين".

وأضافت: "أنا قاعدة في التجمع، وروحت بيت والدتي في السيدة زينب، علشان أعاتبه، بس هو استفزني وقلبت خناقة كبيرة، بعدين ابتدينا نمد أيدينا على بعض و محستش بنفسي غير والسكينة في أيدي، وضربته بيها أكتر من مرة فخذه لغاية ما وقع ومات في ساعتها، والشرطة جت قبضت عليا وأنا جنب الجثة، لكن مكنش قصدي أني اقتله".

وقال عبدالرحمن خليفة زوج المتهمة: "أنا شغال بلوجر، وكان عليا فلوس لحد، كنا داخلين شركة مع بعض في مشروع بمبلغ حوالي 300 ألف جنيه، سددت منهم حوالي 130 ألف، وحصل ظروف ومقدرتش أسدد الـ170 ألف جنيه".

اقرا ايضا الحبس عام مع الشغل لنقيب المحامين شمال الجيزة

وأضاف : "الشخص ده راح للمجني عليه في مكان شغله وهدده، وقاله أنت بتتستر عليه، فأخبره أنه ميعرفش مكاني لكن لما يشوفني في السيدة زينب عند حمايا وحماتى يبلغه، ولما اتصلنا عشان نطمن عليهم قالوا لنا أنهم تعبانين شوية عندهم كورونا، فأخدت مراتي ونزلنا السيدة زينب ومعانا دكتور، راح جوز اخت مراتى عرف أننا موجودين فبلغهم".

وتابع : "لما نزلنا مع الدكتور علشان نحاسبه وبعدين نجيب عشا، لقيت كام واحد بيتهجموا عليا انا ومراتى، وخطفوني ساعتها مراتي معرفتش تتصرف إزاي غير أنها طلعت فوق للشقة وبدأت تعاتب المجني عليه، فضربها ووقعت على الأرض وقطع لها هدومها، وكان عاوز يضربها بالكرسي بتاع السفرة، فهي لقت سكينة جنبها ضربته بيها في وريد رئيسي في رجله والكلام ده كله عرفته في القسم لما المباحث وصلت لي بعد حوالي 18 ساعة من خطفي".

وأمرت النيابة العامة بتجديد حبس المتهمة رانيا صفوت 15 يومًا على ذمة التحقيقات.