عاجل… أول تعليق من محمود المهدي بعد عودته لـ منة عرفة
بعد خلاف دام أيام بين الفنان محمود المهدي وزوجته الفنانة منة عرفة، أعلنت الأخيرة عودة المياه لمجاريها، وإنهاء الخلاف بينهما.
وفي أول تعليق للفنان محمود المهدي، بعد عودته لمنة عرفة، عبر حسابه الشخصي على موقع التواصل الاجتماعي "فيسبوك"، كاتبًا:"شكرا لكل واحد حاول يكون وصلة خير في حياتي وامي واخواتي واصحابي واهلي والناس وغصب عني عدم ردي على الرسايل والاتصالات الفترة دي مشغول في تصوير".
اقرأ أيضًا.. الكشف عن السبب الحقيقي لوفاة الفنان أحمد خليل (فيديو)
وأضاف محمود المهدي: "وإن شاء الله الاخبار الجاية كلها خير واستنوني انشاء الله في فيلم الفرصة قريب وفيلم 666 وفيلم رحلة دم قريبا الاعلان عنه ومسلسل فيلا 101 بنصور فيه وكل واحد اتمنالي التوفيق وقال كلمة كويسة بتمنالك الخير اللي انت اتمنتهولي".
وكانت كتبت منة عرفة، عبر حسابها الشخصي على موقع الصور والفيديوهات "انستجرام" :"من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن".
وتابعت منة عرفة: "لكن أنتم يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بنسبالكم نكتة أو حاجة تتمسخروا عليها".
وأضافت: "رهان بتعملوه مع بعض على أننا مش هنكمل، أو مادة خام للشماتة فينا، خراب البيت عمره ماكان حاجة سهلة على الست أو على الرجل أو على أهالينا"
وأكملت منة عرفة: "في عز ضعفي وحزني وكسرتي اللي ربنا مايكتبها على أي ست مرحمتونيش ولا قدرتوا إني في موقف لا أحسد عليه وشمتانين فينا، قد إيه إنتوا ناس متعرفوش ربنا ولا في قلوبكم رحمة، اتمنوا الخير لبعض يا جماعة بلاش نشمت في بعض، لكن دي غلطتي أنا إني شاركتكم حياتي الشخصية، الإنسان بيغلط عشان يتعلم وأنا اتعلمت وربنا يعينكم على نفسيتكم الجحيم دي وعسى أن تكرهوا شي وهو خير لكم".
واختتمت منة عرفة :"يمكن الخلاف اللي حصل كشفلنا ناس كتير حوالينا كانوا بيمثلوا أنهم فرحانين لينا بس الحقيقي أنهم كانوا مستنين أول مشكلة عشان يشمتوا في كسرتي وخراب بيتي بس والله ربنا مش هينولهلكو وربنا يخليلي أهلي وزوجي والناس اللي بتتمنالي الخير وواقفت جمبي وكلمة أخيرة للسادة الصحفيين أرجوكم كفاية بقى ارحمونا حرام عليكم".
