رامي صبري يتخطى الـ4 ملايين بعد خناقته مع ويجز
تصدر المطرب رامي صبري، التريند وأصبح حديث السوشيال ميديا بعد خناقته وأزمته الأخيرة مع مطرب الراب ويجز.
ومن جانبه، رد رامي صبري على رسالة ويجز الأخيرة التي هاجم فيها نجوم الفن بسبب ذكرهم اسمه أثناء ظهورهم في البرامج التلفزيونية وكتب رامي صبري عبر خاصية الستوري التابعة لصفحتها الرسمية بموقع التواصل الاجتماعي: "يا ويجز يا حبيبي أنا قلت أنا بسمعك وبحب شغلك ولكن مش بفهم الكلام".
خناقة رامي صبري وويجز
وتابع رامي صبري بصفحته الرسمية بموقع تبادل الصور والفيديوهات "انستجرام": "ده ميقلش من شغلك بالعكس أنت شاطر جدا.. ومجتهد وناس كتير بتحب شغلك، ماتفهمش كلامي غلط يا أخويا"، وكان رامي صبري تحدث عن ويجز قبلها وقال: "اللي بيعجبني ويجز على الرغم من عدم وضوح كلمات أغانيه هو مش بيقول حاجة".
وأضاف: "ولكن ويجز يقدم مزيكا ممكن حد يسمعها، على الرغم من أنها في الكثير من الأوقات مقتبسة من أغاني أجنبية"، وبعدها أعرب مطرب الراب ويجز عن غضبه الشديد بعد ذكر اسمه من قبل رامي صبري بعد ظهوره عبر راديو إنرجي الإذاعية.
ورد مطرب الراب ويجز وكتب عبر خاصية الستوري التابعة لصفحته الرسمية بموقع تبادل الصور والفيديوهات "انستجرام"، قائلًا: "مينفعش يطلعوا فى البرامج يتكلموا عن نفسهم لازم اسمى يتحط فى جملة.. ماتبص فى ورقتك".
تصريحات رامي صبري
وكان رامي صبري قال في حواره مع راديو إنرجي: "مش بسمع مهرجانات خالص، أنا راجل متخصص في المزيكا، ودرست تأليف موسيقي.. وأذني لا تستحمل المهرجانات فهي تحمل دوشة في الكلام".
وأضاف: "وفيه بمصر راب لكن اللي بيعجبني ويجز ولكنه دائما مش بيقول حاجة، ومش بيقول كلام، وويجز بيعمل موسيقى ممكن أسمعها ومقلدها من بره، لكن مش بسمع مهرجانات".
اقرأ أيضًا: تطورات الحالة الصحية للفنانة دنيا عبد العزيز بعد إصابتها بكورونا
وفي سياق آخر، استطاع تمكن رامي صبري من حصد نسب مشاهدة عالية عبر موقع الفيديوهات الشهير "يوتيوب" على أغنيته "هموت من غيرها" وتخطى بها الـ 4 ملايين مشاهدة.
ويستعد الفنان رامى صبري لإحياء حفل رأس السنة، بأحد الفنادق الكبرى بالتجمع الخامس يوم 25 ديسمبر الجاري.
