عمرو أديب يفتح النار على مرتضى منصور: «أنت مالك لو باخد 10 مليون دولار؟»
فتح الإعلامي عمرو أديب، النار على مرتضى منصور رئيس مجلس إدارة نادي الزمالك، ردًا على تصريحاته الأخيرة بشأن راتبه الشهري.
وكان مرتضى منصور قد هاجم أديب، مدعيًا أنه يتقاضى 3 مليون دولار شهريًا، حيث قال في تصريحات صحفية: "بلاش قرف، شوف مرتبك كام، أنت بتاخد 3 مليون دولار في الشهر".
وقال عمرو أديب في تصريحات عبر برنامجه "الحكاية" المذاع على قناة "إم بي سي مصر": "محمد صلاح عايز مرتبه لما يزيد مع ليفربول يبقى في الشهر يوازي 2 ونص مليون دولار".
وتابع: "مرتضى منصور الأسبوع إللي فات طلع قال للناس عمرو أديب بياخد في الشهر 3 مليون دولار، فيبقى ليا الفخر أنا يا سادة إني باخد أكتر من كريستيانو رونالدو وميسي ومبابي والعقد الجديد بتاع محمد صلاح".
وتابع: "أنا باخد في الشهر أكتر من هؤلاء اللاعبين، أنا متضايقتش من مرتضى منصور لأنه مش طايقني ودا عادي يعني، بس الغريب أن في ناس كتير صدقت، ياريت أنا مستعد أقبض 3 مليون دولار في الشهر ومحدش هيشوفني هنا تاني".
اقرأ أيضًا: عاجل | مدرب الأهلي يرد على مفاوضات ضم أبو جبل وبن شرقي
واختتم عمرو أديب: "في حد يعقل هذا الكلام، وبعدين هو إية إللي حصل؟ أنت مالك يا مرتضى؟ وأوزن الكلام، أنت بقيت مش بتوزن كلامك خالص أنت بتقول أي حاجة ولا عارف بتقول إيه، خليك في حالك وربنا يرزق كل الناس".
