الطريق
الثلاثاء 19 مارس 2024 07:31 صـ 9 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

«الخمرة لعبت في دماغك وفاكر نفسك رمز».. مرتضى منصور يسن أنيابه على ميدو

مرتضى منصور وميدو
مرتضى منصور وميدو

فتح مرتضى منصور رئيس مجلس إدارة نادي الزمالك، النار على أحمد حسام "ميدو" نجم الأبيض السابق، بسبب انتقاد الأخير، قرار عدم اللعب على ستاد القاهرة.

وكان ميدو قد هاجم قرار مرتضى منصور، بعدم لعب فريق الكرة على ستاد القاهرة بسبب النتائج السلبية، التي يحققها الفريق، على الملعب التاريخي، بعد الخسارة الثانية على التوالي في الدوري.

اقرأ أيضًا: ميدو يهاجم مرتضى منصور: تصريحاتك عن استاد القاهرة «عيب وقلة أدب»

مرتضى منصور يفتح النار على ميدو

وقال مرتضى منصور في تصريحات مصورة على موقع "يوتيوب": "في ناس قالولي أرد على الولد قليل الأدب، وهو كل مرة يغلط ويرجع يعتذر".

وتابع: "اللي بيقول أن فيه قضايا شخصية بينه وبيني وأنا بدخل الزمالك فيها، فأنا بقوله لأ القضايا من أيام قضية نادي القرن".

وواصل: "أنت عيل لعبت سنتين في النادي وفاكر نفسك رمز، وأنا هحاسبك على كل غلطة غلطتها، وسامحتك كتير قبل كدة وجبتك هنا النادي، لكن أنت مصمم تخلي الخمرة تلعب في دماغك".

وأضاف مرتضى منصور: "أنت عامل الفيلم دا علشان محدش بيتفرج عليك والبرنامج وقع، وأنا بكرر تاني مش هلعب مباريات الزمالك على ستاد القاهرة، ومن الماتش الجاي ستاد الدفاع الجوي سيكون ملعب الزمالك".

وعن هجوم ميدو بسبب تصريحات مرتضى منصور حول عدم اللعب في ستاد القاهرة، رد رئيس الزمالك: "اللاعبين أبلغوني أنهم بيدخلوا الاستاد مهزومين قبل اللعب، لما الكورة طول الشوط الثاني من المبارة مش راضية تدخل الشبكة".

وتابع: "إحنا غبلنا بيراميدز والمصري والاتحاد السكندري على أرضهم، وأنتم بتتريقوا على النحس، ما الأهلي طلب يغير ملعب بتروسبورت في 2015 بسبب النحس، هل حد قدر يتريق على الأهلي".

واختتم مرتضى منصور تصريحاته: "الموضوع مع الأهلي عادي لكن معايا ومع الزمالك مش عادي، دا كمان الأهلي طلب ميلعبش ماتش الوداد في المغرب ومحدش اتكلم".