«استعانت بفريق كامل».. هكذا ساعدت سمية الخشاب طلاب الثانوية العامة والجامعة

تتفاعل الفنانة سمية الخشاب، دائمًا مع جمهورها ومتابعيها بموقع التواصل الاجتماعي للتدوينات القصيرة "تويتر"، ولكن على عكس أي فنان آخر فهي تشرح مناهج لمتابعيها طلاب الثانوية العامة والجامعة.

وأشارت سمية الخشاب إلى أنها تستعين بـفريق كامل من أعلى الخريجين للمساعدة في شرح الدروس والأسئلة للطلاب.

وكتبت في تغريدة عبر صفحتها: "أنا جايبة تيم كامل من أعلى الخريجين تحصيل وكرياتيفيتي عشان يساعدوني وآجي أشرحلكم بطريقتي".

ولاقت تغريدات وشرح سمية الخشاب تفاعل كبير من متابعيها طلاب الثانوية العامة ومنهم من وجه لها أسئلة لا يستطيعون فهمها، لترد بإجابات وشرح لتسهل عليهم فهم الأجزاء الصعبة.

وحرصت سمية الخشاب على توجيه عدة رسائل للطلاب بالمراحل التعليمية المختلفة من الثانوية العامة إلى الجامعات، لتدعمهم معنويا ونفسيا حيث كتبت: "النجاح الحقيقي لا يأتي بالدرجات المستحقة لدخول إحدى كليات القمة".

وأضافت: "حيث إن الشخص الذي يعمل ما يحبه سوف يصل إلى القمة الحقيقية"، وتابعت: "حبايبي اللي في حقوق، القانون المدني والقانون الدولي دول احفظوهم كويس عشان بيلخبطوا".

واستكملت: "تاريخ القانون المصري مش صعب أوي هو وسكاشن مدني هتعرفوا تسلكوا فيهم وبدعيلكم.. حبايبي بتوع صيدلة احفظوا الكلام بحاجات مشابهه يعني مثلا تحليل ELISA ده افتكروا ملكة الإحساس، والـCBC مثلا ممكن سفره وممكن العادية والـ DHEA افتكروا سكينه وهي بتقول روح جاتك داهيه".

وأضافت: "وبالنسبة لحبايبي اللي فهندسة أنا مش ملمة بهندسة أوي بس ذاكروا ماشيينز كويس عشان عارفة إنها أصعب من كلمه بشمهندس"، وكانت قد كتبت في تغريدة أخرى: "أنا لو مسكت التعليم هلغيلكم الفاينلز دي وهخلي النجاح كله بأعمال السنة عشان عايزاكم فريش كده مش stressed".

اقرأ أيضًا: «مفاجأة كبيرة جداً هتحبوها».. تامر حسني يكشف موعد طرح ألبومه الجديد

وكتبت في تغريدة أخرى عبر صفحتها الرسمية: "حبايبي اللي في ثانوية عامة، محدش ييجي على نفسه خالص صحتكم بالدنيا، ومش نهاية العالم ومتخلوش أي حد يؤثر بالسلب عليكم وتقدروا تثبتوا نفسكوا".

وتابعت: "فأي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقي في القمة".