«هتنقذ روح وأنت في بيتك».. تامر حسني يطلق مبادرة لعلاج مرضى ضمور العضلات
كشف النجم تامر حسني، عن صورة لإحدى أطفال مرض ضمور العضلات، ووجه رسالة خاصة لمتابعيه لحثهم على المساهمة في علاج المصابين بهذا المرض.
ونشر الفنان تامر حسني، صورة لطفلة مصابة بمرض ضمور العضلات، عبر حسابه الرسمي على موقع التواصل الاجتماعي "فيس بوك" وعلق عليها: "يا جماعه مرض ضمور العضلات منتشر جداً في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمه لو دفع 30 جنيه بس هيساهم في إحياء طفلة في لحظة واحدة".
وتابع تامر قائلا:" طفلة بتتعذب كل لحظه هي و أهلها، أمنية حياتي والله العظيم دلوقتي، يتعمل أبليكيشن تحت رعاية الدولة و تتسمى (( المليون اخ))، و تبقى على تليفونات الناس اللي هتتبرع مليون واحد هتجيلهم رساله حسب خطورة المرض و نوعه و تكلفته العامه و المطلوب منه و في سيستم يقدر يدخل بنفسه يشوف اسمه و تبرعه راح فين و إن المريض اتعالج خلاص و تجيله رساله شكراً صدقتك أحيت نفس بل أسره كاملة".
واستكمل المطرب تامر حسني: "أنا كفنان جاهز لأي جهة هتتبنى الفكره دي إني أكون داعم ليها و معلن عنها لو الجهه محتاجة ليا شخصياً أو لصوتي أن شالله أنزل ألم التبرعات بنفسي و أخبط على بيت بيت و ده لوجه الله و لخدمة شعبنا و أهالينا المحتاجين".
وأردف تامر قائلا: "اللي هيشترك، مره هيدفع 10 جنية، مره خمسة، مرة30 أقصى حاجه 40 جنيه لأن حقنة علاج المرض دا بـ 40 مليون و دي أغلى حاجه تخيلوا لما بـ 40 جنيه بس تنقذ روح بني آدم يعني هتدفع صدقة و هتنقذ روح و أنت في بيتك و الصدقة فيها أجر عظيم تحمي نفسك بيها تحمي ولادك و كل اللي بتحبهم و تبقى صدقة جارية في كل حياتك، قيمة الصدقة عند ربنا كبيرة أوي أوي فوق ما تتخيلوا يا جماعة متتخيلوش بتشيل عننا حاجات صعبة قد إيه لو عرفناها هنبكي فرحاً من رحمة ربنا يارب حد يسمعني".
اقرأ أيضًا.. أحمد نبيل بعد اعتزاله التمثيل: «ليس لدي أي نية للعودة مرة أخرى وأتفرغ لهذا العمل» خاص
واختتم تامر حسني رسالته قائلا: "وكدا باذن الله مش هيكون في مريض محتاج، ولو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكله منهم".
