داليا تريد خلعا: «جوزي كان بيحب أختي قبل ما يتجوزني»
وقفت زوجة حزينة أمام محكمة الأسرة بمصر الجديدة، تشكو من زوجها «عادل» وشقيقتها «هبة» في دعوى خلع غريبة، بعد تحول حياتها إلى جحيم، ما دفعها لإنهاء علاقتها بزوجها.
في نبرة حزينة ودموع مثل الشلال والحسرة وأنفاسها تهز أرجاء الجلسة المغلقة روت «داليا» مأساتها قائلة: «زوجي يحب أختي واتجوزني مع إن كان في علاقة حب بينه وبينها، وأختي خبت عليا إنه كان بيحبها قبلي، وحولا حياتي إلى جحيم».
وأضافت الزوجة الحزينة: «اتجرحت منهم ومكنش قدامي غير المحكمة وطلب الخلع».
تفاصيل القصة بدأت منذ حوالي عامين مضيفة: «كان عمري 20 عامًا، سافرت خارج مصر، قعدت 11 سنة علشان كنت بدرس، بعد كده اشتغلت والحياة خدتني والعمر وصل 30، أهلي طلبوا مني أرجع مصر عشان أتجوز، رجعت مصر خلال سنة اتقدملي جوزي أهله كلموا أهلي وكانوا مستنيين ردي وموافقتي».
وأكملت الزوجة الحزينة في دعواها أمام محكمة الأسرة: «لي أخت أصغر مني بـ5 سنين وهي عايشة مع والدي ووالدتي في مصر سألتها عليه قالت لي أنا معرفهوش والقرار يرجع لك، وأهلي مش مديني فرصة أسأل عنه، لأنهم كانوا بدأوا يخافوا من سني اللي بيكبر ووافقت».
اقرأ أيضًا: في مزاد إلكتروني .. لوحات مميزة تناسب سيارتك الجديدة
وأضافت «داليا»: «كان لي أصدقاء من أيام مدرستي في مصر، في يوم لاقيت واحدة منهم بتكلمني وطلبت مني تقابلني وقالتلي إحنا محتاجين نقعد نتكلم في أسرع وقت، وبالفعل اتقابلنا وقالت لي سامحيني لو اللي هقولهولك ده جه في وقت متأخر بس أنا ضميري ميسمحليش أخبي عليك أكتر من كده».
وواصلت الزوجة الحزينة: «بدأت أقلق وقلت لها اتكلمي، قالت لي أنتي عارفة إننا من فترة مش على تواصل بحكم إني اتجوزت وخلفت وإنتي كنتي خارج مصر ، وأنا معرفتش إنك رجعتي مصر واتجوزتي غير من الصفحة الخاصة بيكي على فيس بوك لكن اللي أنا جاية أقولهولك النهاردة إني لما شفت صورك مع عريسك في الفرح فضلت أشبه عليه لحد ما عرفت إن هو ده الشاب اللي كان مرتبط بأختك لمدة عامين وهي في الآخر رفضته عشان كان بيزعلها كتير وبيكلم بنات».
وتابعت الزوجة قصتها: «تابعت صديقتي حديثها قائلة: أنا معرفش إنتي تعرفي ولا لا بس إنتي عشان إنسانة طيبة حرام يضحك عليك، أنصحك تواجهيه عشان لو لسه عنده مشاعر ليها إنتي كده هتبقي في خطر معاه إنتي وابنك اللي لسه في بطنك، ولازم يعرف إنك عرفتي» .
واختتمت الزوجة: «في نفس اليوم رجعت البيت زوجي كان موجود وطلبت من أختي تجيلنا البيت، أختي جت وقعدت أنا وهي وجوزي نتكلم، وواجهتهم بكل اللي أنا عرفته عن الموضوع القديم، ومشوفتش غير السكوت منهم هما الاثنين، ومفيش كلام يقولوه، لحد ما أختي قالت لي ده كان زمان أيام المراهقة ومفيش حد يعرف حاجة عن الكلام ده وخلاص مبقاش في أي حاجة بيني وبينه، بعدها زوجي قال أنا مش هنكر إني في بداية زواجنا ولما طلبت إيدك مكنتش قادر أنسى أختك لأني كنت بحبها أوي لكن بعد ما عشنا مع بعض كل ده اتنسى وفكرت في المستقبل معاكي".
اقرأ أيضًا: «بـ 7.5 مليون جنيه».. تفاصيل ضبط 300 كيلو من مخدر الهيدرو
