دينا الشربيني: ”كنت لاعبة كرة قدم زمان.. ومرة كسرت رجل بنت معايا”

ظهرت الفنانة دينا الشربيني كضيفة في برنامج "سهرانين" مع الفنان أمير كرارة، عبر المذاع على قناة ON.

وتحدثت "دينا" خلال الحلقة عن بدايتها في مجال التمثيل، قائلة: "كنت بدخل الحمام وأقعد أمثل قدام المرايا عشان محدش يشوفني بعد ما أحفظ أي مشهد من المسرحيات والتليفزيون، ومكنتش عايزة حد يعرف إني عايزة أمثل أو أحب التمثيل ولو كنت دخلت الأوضة كانوا هيخبطوا ويعرفوا".

وتابعت كلامها: "وأنا صغيرة كنت بحب ألعب كرة قدم قوي وكنت بلعبها في النادي، لكن مكنتش شاطرة فيها خالص للأسف، وفي مرة كسرت رجل بنت معايا بس مكنتش قاصدة والله، وأنا صغيرة كمان كنت متعبة قوي مع أهلي، وكنت بحب أتفرج على كوبري أكتوبر قوي، وبابا لما كان بيدخل ينيمني كان بيعمل إنه ساحر وكان هو اللي بينام، وأخرج أقول لماما بابا نام متعمليش صوت".

اقرأ أيضًا.. بالصور.. أحمد عدوية مفاجأة حفل نجله محمد اليوم بساقية الصاوي

أعمال دينا الشربيني

تعاقدت الفنانة دينا الشربيني على مسلسلها الجديد "كامل العدد" مع الفنان شريف سلامة، تميم عبده، إسعاد يونس، أية سماحة، أحمد جمال سعيد، عمرو جمال، سمر علام، ومن إخراج خالد الحلفاوي، وتأليف رنا أبو الريش ويسر طاهر.