بعد تكريمها بمهرجان القاهرة السينمائي.. لبلبة: «دلوقتي بحقق أمنية والدتي»
ظهرت الفنانة لبلبة تبكي على مسرح دار الأوبرا المصرية، في أثناء تكريمها بالدورة 44 من مهرجان القاهرة السينمائي لعام 2022.
تكريم لبلبة بمهرجان القاهرة السينمائي
قالت الفنانة لبلبة بعد تكريمها: "أنا بحبكم وبشكر بلدي مصر اللي اتربيت من خيرها ووزيرة الثقافة الدكتورة نيفين الكيلاني وحسين فهمي رئيس مهرجان القاهرة".
وتابعت: "بشكر جمهوري اللي شجعني وأنا طفلة لحد اللحظة اللي بكلمكم فيها دي والممثلين والمخرجين والعمال وكل فريق العمل اللي اتربيت وسطهم".
بكاء لبلبة والاحتفال بعيد ميلادها
وأضافت: "وبشكر كل زمايلي اللي فيه بيني وبينهم عشرة طويلة وبحبهم وعارفة إنهم بيحبوني"، واستعادت ذكرياتها مع والدتها قائلة: "دائمًا لما أبص في الكواليس كنت ألاقي والدتي بتشجعني مفيش مرة طلعت على المسرح مكنتش والدتي واقفة في الكواليس".
وأكملت: "لما كانوا يعلنوا عن مهرجان القاهرة للسينما كانت تقولي إنتي هتتكرمي المرة دي وميحصلش نصيب تقولي السنة اللي بعدها ومتكرمش".
اقرأ أيضًا: حسين فهمي: ”فيلم أغنية على الممر ونائب في الأرياف أصبحوا جاهزين بعد الترميم”
وظهرت تبكي لبلبة على المسرح متأثرة: "دلوقتي أنا بحقق أمنية والدتي هي مش موجودة وأنا بتكرم النهاردة"، وأشارت إلى أن والدتها كانت حامل بها وهي في السينما تشاهد فيلم: "لو ملحقوهاش في المستشفى كانت هتولد في السينما".
وأوضحت أن هذا الموقف وقع في مثل هذا اليوم 13 نوفمبر، لتحتفل بعدها بعيد ميلادها أمام الجميع على المسرح مع الحضور ونجوم الفن.
